ब्रेकिंग - कर्मयोगी साखर कारखान्यावर शेतकऱ्यांच्या रागाचा उद्रेक; शेतकऱ्यांनी काटा बंद पाडला

-

मुत्सुद्देगिरी न्यूज नेटवर्क

गागरगांव (२ नोव्हेंबर) :- इंदापूर तालुक्यासह आसपासच्या अनेक तालुक्यातील ऊस उत्पादक शेतकऱ्यांच्या ऊस बिलाची रक्कम कारखान्याचा गाळपाचा दुसरा हंगाम सुरू झाला तरी न मिळाल्याने आज अखेर शेतकऱ्यांच्या रागाचा उद्रेक इंदापूर तालुक्यातील कर्मयोगी शंकरराव पाटील सहकारी साखर कारखान्याच्या आवारात बघायला मिळाला. दिवाळी उद्यावर आली असताना बिलाची रक्कम अनेक हेलपाट्या आणि अनेक विनवण्यानंतरही पदरी न पडल्याने आज शेवटी इंदापूर, माढा, कर्जत, करमाळा आणि एकूणच आसपासच्या तालुक्यातील हजारो शेतकऱ्यांनी कर्मयोगीचा काटा बंद पाडला. बिले जमा झाल्याखेरीज काटा सुरू होऊ देणार नाही असा पवित्रा शेतकऱ्यांनी यावेळी घेतला. त्यामुळे भाजपमध्ये गेल्याने हर्षवर्धन पाटील यांना शांत झोप लागत असली तरी कर्मयोगी कारखान्याला ऊस पाठवणाऱ्या ऊस उत्पादक शेतकऱ्यांची झोप उडाल्याचे दिसत आहे.

पत्रकारांशी बोलताना अनेक शेतकऱ्यांनी आपल्या कुटुंबातील आजारी व्यक्तींच्या इलाजासाठीही आपल्याकडे पैसे नसल्याचे व कारखान्याच्या अधिकाऱ्यांच्या हाता पाया पडूनही आपले गाऱ्हाणे ऐकण्यात न आल्याचे म्हटले. ट्रॅक्टर चालकांनी मागील दोन वर्षांपासून आपल्याला दमडी न मिळाल्याने सांगताना, आपल्या वडिलांच्या इलाजासाठी पाहिजे असलेली रक्कम आज वडिलांचे निधन झाल्यानंतरही न मिळाल्याचे संतप्त होऊन म्हटले. अनेकवेळा अनेक बँकांची खाती, पुस्तके आमच्याकडून घेण्यात आली मात्र या खात्यांवर रक्कम अद्यापही आली नसल्याचे शेतकऱ्यांनी म्हटले.

यावेळी दिलेले चेक बाऊन्स झाल्याचे सांगताना अनेक शेतकरी संतप्त झाले होते. कारखाना आपल्याला निव्वळ खेळवत, मूर्ख बनवत असल्याचे शेतकऱ्यांनी म्हटले. आपण ऊस कोणत्याही कारखान्याला पाठवू मात्र कर्मयोगीवर पाठवणार नसल्याचे शेतकऱ्यांनी म्हटले. त्यामुळे ऐन हंगामात कारखान्याच्या बिनविरोध निवडून आलेल्या नवनियुक्त संचालक मंडळासमोर चांगलाच पेच निर्माण झाला असून, शेतकऱ्यांच्या व्यथा हे संचालक मंडळ ऐकणार का? शेतकऱ्यांना त्यांच्या हक्काची रक्कम मिळणार का? शेतकऱ्यांची दिवाळी गोड होणार का? असे अनेक सवाल उपस्थित होत आहेत.

पत्रकारांना आत जाण्यास केला मज्जाव

या प्रकरणाची माहिती पत्रकारांना मिळताच कारखान्याच्या गेटवर पोहोचलेल्या पत्रकारांना सुरक्षा रक्षकांकरवी गेटवरच अडवण्यात आले. पत्रकारांना अनेक तास गेटवरच ताटकळत थांबवण्यात आले. शेवटी पत्रकारांनी कारखान्याच्या वॉल कंपाऊंडवरून उड्या मारत आंदोलनाच्या ठिकाणी जात शेतकऱ्यांच्या व्यथा जाणून घेतल्या. अन्यथा शेतकऱ्यांच्या व्यथा अशाच कारखान्याच्या कंपाऊंडमध्ये कोंडल्या गेल्या असत्या.


टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

इंदापूरच्या बाजारपेठेत वयस्कर महिलेला लोखंडी रॉडने मारहाण; तिघा युवकांच्या विरोधात गुन्हा दाखल

-
इमेज
मुत्सुद्देगिरी न्यूज नेटवर्क इंदापूर (११ जानेवारी) :- दु चाकीवरून आलेल्या तिघा युवकांनी एका ६५ वर्षीय महिलेला लोखंडी रॉडने मारहाण करत रक्तबंबाळ केले. मारहाणीची ही घटना शुक्रवारी (५ जानेवारी) इंदापूर शहरातील मुख्य बाजारपेठेत रात्री १० वाजण्याच्या सुमारास घडली होती. या घटनेत जखमी झालेल्या कमल मोतीलाल परदेशी (रा. सिद्धेश्वर मंदिराजवळ, इंदापूर) यांच्या फिर्यादीवरून अमोल गणेश परदेशी, आदित्य संजय परदेशी आणि क्षितीज संजय परदेशी (तिघेही रा. खडकपूरा, इंदापूर) या तिघा युवकांविरोधात मंगळवारी (९ जानेवारी) इंदापूर पोलीस ठाण्यात तक्रार दाखल करण्यात आली आहे. फिर्यादी ह्या इंदापूर शहरात प्रजापिता ब्रह्माकुमारी ईश्वरीय विश्व विद्यालयाचे काम पाहतात. शुक्रवारी रात्री १० वाजण्याच्या सुमारास त्या बाजारपेठेतील विठ्ठल रुक्मिणी मंदिरातून घरी जात असताना हा प्रकार घडला. दुचाकीवर आलेल्या तिघा आरोपींनी त्यांना पाठीमागून धडक दिली. तदनंतर आरोपींनी फिर्यादी यांना इंदापूर आणि बारामती येथील न्यायालयातील तक्रार मागे घेण्याचे बजावत शिवीगाळ आणि दमदाटी केली. एवढ्यावरच न थांबता आरोपींनी फिर्यादी यांना लाथाबुक्क्यांनी आणि ल...
अधिक वाचा

पालक व ज्येष्ठ नागरिकांचा निर्वाह व कल्याण अधिनियम २००७

-
इमेज
पालक व वरिष्ठ नागरिकांचा निर्वाह व कल्याण अधिनियम २००७ हा केंद्र सरकारने केलेला कायदा आहे.हा अधिनियम भारताचे नागरिक तसेच भारताबाहेरील भारतीय नागरिक अशा सर्वांना लागू होतो. भारत देशात १९५२ साली केवळ २ कोटी असलेली वरिष्ठ नागरिकांची संख्या. देशाच्या २०१६ च्या सांख्यिकी अहवालानुसार १०.४ कोटी एवढी झाली होती. आज यात आणखी भर पडली आहे. आई, वडील व वरिष्ठ नागरिक ह्यांच्या हक्कांचे संरक्षण करण्यासाठी, त्यांना, सन्मानाने आयुष्य व्यतीत करता यावे ह्या उद्देशाने आई वडील व वरिष्ठ नागरिकांचा निर्वाह व कल्याण अधिनियम २००७ साली अंमलात आला आहे. व्याख्या: आई वडील ह्या संज्ञेत जन्मदाते, दत्तक, सावत्र अशा कुठल्याही माता पित्याचा अंतर्भाव होतो. तसेच आईवडील वरिष्ठ नागरिक असलेच पाहिजेत असे नाही. वरिष्ठ नागरिक ह्या संज्ञेत वय वर्षे ६० वरील वयाची कोणतीही व्यक्ती मोडते. मुले ह्या व्याख्येत सज्ञान असलेल्या पुत्र, कन्या, नातू व नात ह्यांचा समावेश होतो. निर्वाह ह्या व्याखेत, अन्न, वस्त्र , निवारा, वैद्यकीय शुश्रूषा व उपचार ह्यासाठीची तरतूद असा समावेश होतो. नातेवाईक म्हणजे निपुत्रिक वरिष्ठ नागरिकाचा कायदेशीर वारस किं...
अधिक वाचा

भरणेंच्या आमदारकीच्या हॅट्रिकची संभाव्य संधी हुकवणाऱ्या समीकरणांचे ऑडिट

-
इमेज
संपादकीय २०१९ मध्ये अवघ्या दीड हजार मतांच्या फरकाने दत्तात्रय भरणे यांची आमदारकी वाचली होती. २०२४ मध्ये मात्र ही आमदारकी वाचवणे त्यांच्यासाठी तारेवरची कसरत ठरणार असेच एकंदरीत चित्र आहे. वर्षभरात महाराष्ट्राच्या राजकारणात झालेली उलथापालथ, रस्त्यांच्या कामात होणारे भ्रष्टाचाराचे आरोप, अनेक आरोपानंतरही भ्रष्ट ठेकेदारांवर कृपादृष्टी, प्रशासनावर नसलेला वचक, शरद पवार यांच्याशी दगा, पक्षात पडलेली उभी फूट, भाजपवर जातीवादाचे हजारो आरोप करूनही सत्तेसाठी भाजपसोबतच युती, परिणामी मतदारांमध्ये वाढलेली नाराजी, गमावलेली विश्वासहार्यता, कार्यकर्त्यांमधील संभ्रमावस्था, युवक, बेरोजगार, उद्योग, व्यवसाय, शेतकरी, शिक्षण यासाठी न'च्या घरात कामे, या आणि अशा अनेक कारणांमुळे भरणे आमदारकीची हॅट्रिक करतील याबाबत शंका उपस्थित होणं स्वाभाविक आहे. माणूस म्हणून चांगले असले तरी आमदार म्हणून भरणे कसे आहेत याचं लोकांनी निवडणूकपूर्व ऑडिट करणं, आमदारकीची समीकरणे बिघडवणाऱ्या बाबींचं भरणे यांनी आत्मपरीक्षण करणं, तर माध्यमांनी त्यांच्या चुकांवर बोट ठेवणं गरजेच आहे. खरं तर तालुक्यातील रस्त्यांच्या कामांत मोठ्या प्रमाणावर ...
अधिक वाचा