मासिक मुत्सुद्देगिरी (बातमी मुत्सद्दीपणे)

कायद्याचा धाक राहिला नसल्याचे, उपाययोजनांची तथा पोलिसांची गस्त आवश्यक असल्याचे नागरिकांचे मत मुत्सुद्देगिरी न्यूज नेटवर्क इंदापूर (३० ऑगस्ट) :- जोगवा मागण्याच्या बहाण्याने घरात घुसून राजेवलीनगर भागातील एका महिलेची फसवणूक केल्याची धक्कादायक घटना नुकतीच उघडकीस आली होती. ही घटना अजून ताजी असतानाच आज (३० ऑगस्ट) मध्यरात्री चार चोरट्यांनी याच भागातील वेगवेगळ्या तीन ते चार अपार्टमेंटमधील बंद असलेले फ्लॅट फोडून हैदोस घालण्याचा प्रयत्न केला. यामध्ये एसटी डेपो समोरील अशोक अपार्टमेंटमधील परदेशी यांचा फ्लॅट, कलीम शेख यांचा बंद हॉल आणि सूरज हाईट्स अपार्टमेंटमधील लॉक असलेल्या स्टोअर रूमचा समावेश आहे. जवळपास सर्वच भागात चोरट्यांची मध्यरात्री बिनधास्त रात्र गस्त चालू होती. मात्र कोणालाही कानोकान खबर लागली नाही. विशेष म्हणजे चोरट्यांनी लॉक तोडण्यासाठी गॅस कटरचा वापर केल्याचेही नागरिकांचे म्हणणे आहे. शहरात वाढत्या चोऱ्या पाहता चोरट्यांवर कायद्याचा वचक राहिला नसल्याची, तथा गावातील सुव्यवस्थेला सुरुंग लागल्याची चर्चा आता होऊ लागली आहे. सूरज हाईट्स या अपार्टमेंटच्या पार्किंगमधील स्टोअर रूमचे कुलूप तोडून चो...

मुत्सुद्देगिरी न्यूज नेटवर्क इंदापूर (२९ ऑगस्ट) :- जोगवा मागण्याच्या बहाण्याने दिपाली लक्ष्मण खरात या गृहिणीला लुबाडल्याची घटना २३ ऑगस्ट रोजी इंदापूर शहराच्या राजेवलीनगर भागात घडली होती. या संदर्भात इंदापूर शहरात मागील दोन दिवसांपासून वेगवेगळ्या चर्चांना चांगलंच उधाण आलं होतं. या संदर्भात सीसीटिव्ही फुटेजही सोशल मीडियावर चांगलेच वायरल होत आहेत. ही घटना आणि या घटनेच्या चर्चांचं केंद्र ठरली होती ती हिप्नोटाईज करून लुबाडण्यात आल्याची बाब. परंतु ते हिप्नोटाईज वगैरे काही नव्हतं, तर देवीच्या नावावर केलेली भोंदूगिरी, हातचलाखी आणि शुद्ध फसवणूक होती हे खुद्द दिपाली खरात यांच्या फिर्यादीवरून आता स्पष्ट झालं आहे. आरोपी महिला माया सागर साळुंखे (रा. ५८ फाटा, माळशिरस, जि. सोलापूर) हिला सोमवारी (२८ ऑगस्ट) इंदापूर अकलूज ब्रीजनजीक पकडुन पोलिसांच्या हवाली केल्यानंतर खरात यांनी सविस्तर माहिती इंदापूर पोलिसांना दिली आहे. ही माहिती जाणून घेणं खूप गरजेचं आहे. जेणेकरून अशा पद्धतीने कोणाचीही फसवणूक होऊ नये. फिर्यादी यांनी पोलिसांना दिलेली माहिती आम्ही वाचकांसमोर आहे अशी देत आहोत... २३ ऑगस्ट रोजी सकाळी ११ वाजण...

मुत्सुद्देगिरी न्यूज नेटवर्क बिजवडी (२९ ऑगस्ट) :- एका ३५ वर्षीय महिलेला ट्रक खाली चिरडून पळून जाण्याचा प्रयत्न करणाऱ्या ट्रक चालकाला युवकांनी पाठलाग करून पकडले. ही घटना रविवारी (२७ ऑगस्ट) सायंकाळी सव्वा पाच वाजण्याच्या सुमारास पुणे सोलापूर महामार्गावरील एस.बी. पाटील कॉलेजसमोरील ओव्हरब्रीजवर घडली. या घटनेत रुपाली संतोष रासकर (रा. न्हावी, ता. इंदापूर, जि. पुणे) ही महिला जागीच ठार झाली. या संदर्भात सुनील नामदेव रासकर (रा. न्हावी, ता. इंदापूर, जि. पुणे) यांनी इंदापूर पोलीस ठाण्यात फिर्याद दिली आहे. दरम्यान ट्रकचालक संजीव सहादेव विभुते (रा मंटाळ, ता. बसवकल्याण, जि. बिदर, कर्नाटक) हा अपघात करून पळून जात असताना सचिन मिंड (रा. बिजवडी, ता. इंदापूर) या युवकाने आपल्या मित्रांसह दुचाकीवरून पाठलाग करत त्याला बिजवडी हद्दीत पकडले. युवकांनी त्याला पोलिसांच्या ताब्यात देण्यात आले असून, त्याच्यावर भा.द.वि. ३०४ अ, २७९ कलमांतर्गत इंदापूर पोलीस ठाण्यात गुन्हा दाखल करण्यात आला आहे. हे देखील वाचा - मुत्सुद्देगिरीच्या बातमीचा इंपॅक्ट; हिप्नोटाईज करून लुबाडणारी ती महिला अवघ्या काही तासांत जेरबंद मयत रुपाली रास...

मुत्सुद्देगिरी न्यूज नेटवर्क इंदापूर (२८ ऑगस्ट) :- हिप्नोटाईज करून राजेवली नगर येथील दिपाली लक्ष्मण खरात या गृहिणीला लुबाडणारी ती आरोपी महिला मुत्सुद्देगिरीच्या बातमीच्या परिणामी तथा पत्रकारांच्या सतर्कतेने अखेर जेरबंद झाली. माया सागर साळुंखे (रा. ५८ फाटा, माळशिरस, जि. सोलापूर) असे या महिलेचे नाव असून, इंदापूर अकलूज रोडवरील पाटील दवाखान्याच्या पुढे, तथा अकलूज ब्रीजनजीक तिला पकडण्यात आले. आज सकाळी ८.४५ वाजण्याच्या सुमारास दैनिक प्रभातचे पत्रकार  आणि महाराष्ट्र राज्य मराठी पत्रकार संघाचे इंदापूर तालुकाध्यक्ष निलकंठ मोहिते यांनी या महिलेला ओळखल्याने ही बाब उघडकीस आली. अवघे २२ वर्ष वय असलेल्या या महिलेला पकडल्यानंतर पत्रकार निलकंठ मोहिते यांनी मुत्सुद्देगिरीचे उपसंपादक समीर सय्यद यांना फोन करून या घटनेची कल्पना दिली. तदनंतर पत्रकार समीर सय्यद यांनी घटना घडलेल्या परिसरातील अरबाज शेख, प्रदीप रुपनवर यांना कळवले. यावेळी या दोघा युवकांनी दिपाली खरात यांना घटनास्थळी बोलावून आरोपी महिलेची ओळख पटविली. विशेष म्हणजे आरोपी महिलेने खुद्द ऑन कॅमेरा हा गुन्हा कबूल केला आहे. या महिलेला पकडल्यानंतर...

मुत्सुद्देगिरी न्यूज नेटवर्क इंदापूर (२७ ऑगस्ट) :- अलीकडच्या काळात लुटारू कोणत्या वेशात येतील हे सांगणं कठीण आहे. पोलीस असल्याची बतावणी करून, हातचलाखीने एटीएम बदलून, लिफ्ट देण्याच्या बहाण्याने नागरिकांना लुबाडल्याच्या अनेक घटना इंदापूर शहरात घडल्या आहेत. मात्र हिप्नोटाईज अर्थात संमोहित करून दिवसाढवळ्या एका मनीषा (खरं नाव आम्ही लपवले आहे) नामी महिलेला चक्क तिच्याच घरात जाऊन लुबाडल्याची धक्कादायक घटना नुकतीच इंदापूर शहरातील राजेवलीनगर (शेंडे मळा) भागातील एका अपार्टमेंटमध्ये घडली. बुधवारी (२३ ऑगस्ट) सकाळी ११.४५ वाजण्याच्या सुमारास ही घटना घडली. जोगवा मागण्याच्या बहाण्याने आलेली ही महिला अंदाजे ५०-५५ वयोगटातील असावी. रंग काळा-सावळा असणाऱ्या या महिलेच्या अंगात सोनेरी किनार असलेली हिरवी साडी, खांद्यावर केसरी शाल, कपाळावर भलामोठा गंध, गळ्यात शंखाची माळ, तर हातात पिठाची परडी होती. हे देखील वाचा - इंदापूर बस स्थानकातील चोऱ्यांचे मास्टर माईंड जेरबंद; आरोपींमध्ये दोन महिलांचा समावेश या महिलेने मनीषा यांना आधी पिठाचा जोगवा मागितला. तदनंतर घरामध्ये येत चहा बनवून देण्याचा आग्रह केला. दरम्यान, चहा पि...

इंदापूर पोलिसांचं मोठं यश; तीन आरोपी गजाआड; ७ लाखांचा मुद्देमाल हस्तगत मुत्सुद्देगिरी न्यूज नेटवर्क इंदापूर (२६ ऑगस्ट) :- इंदापूर बस स्थानकात निडरपणे चोऱ्या करून अनेक प्रवाशांना लुबाडणाऱ्या, तदनंतरही पोलिसांच्या लांब हातांपासून बराच काळ लांब राहणाऱ्या चोरट्यांचा बंदोबस्त करण्यात अखेर इंदापूर पोलिसांना यश आलं आहे. या संदर्भात पोलिसांनी काजल प्रवीण भोसले, अर्पणा  सचिन भोसले आणि सचिन आनंता भोसले (सर्व रा. देऊळगाव राजे, ता. दौंड, जि. पुणे) येथील तिघा आरोपींना अटक केली आहे. पोलिसांनी आरोपींकडून ७ लाखांच्या आसपास मुद्देमालही हस्तगत केला आहे. यामध्ये ११ तोळे सोने, गुन्ह्यात वापरलेली दुचाकी आणि ८ मोबाईल पोलिसांनी हस्तगत केले आहेत. सोबतच आरोपींनीकडून बारामती, दौंड, स्वारगेट आणि अहमदनगर परिसरात करण्यात आलेल्या चोरीच्या घटनाही उघडकीस आल्याचे पोलिसांनी म्हटले आहे.  १९ ऑगस्ट रोजी बसमध्ये चढत असताना गर्दीचा फायदा घेऊन अनुजा चिन्मय देशपांडे (रा. मेन रोड, इंदापूर) या महिला प्रवाशाच्या तब्बल ११ तोळे सोन्याच्या दागिन्यांवर चोरट्यांनी हात साफ केला होता. या संदर्भात सर्वप्रथम निर्भिड बातम्यांसाठी...

वा लचंदनगर पोलीस ठाण्यात गुन्हा दाखल; आरोपीला अटक मुत्सुद्देगिरी न्यूज नेटवर्क कळंब (२४ ऑगस्ट) :- अ सं म्हणतात की, "राग ही अनेक दुष्कृत्यांची जननी आहे." याचाच प्रत्यय कळंब (ता. इंदापूर, जि. पुणे) येथे बुधवारी (२३ ऑगस्ट) सकाळी ७ वाजण्याच्या सुमारास घडलेल्या एका धक्कादायक घटनेमुळे आला. या घटनेत ११ वर्षांपूर्वी पोलीस केस केल्याचा राग मनात धरून एका व्यक्तीने आपल्याच चुलत भावाची धारदार कोयत्याने निर्घृणपणे हत्या केली. या घटनेत हनुमंत सर्जेराव जाधव या ३६ वर्षीय तरुणाचा मृत्यू झाला असून, त्यांची पत्नी रेश्मा हनुमंत जाधव (रा. जाधववस्ती, कळंब, ता. इंदापूर, जि. पुणे) यांनी वालचंदनगर पोलीस ठाण्यात आपल्या चुलत दीराच्या विरोधात फिर्याद दिली आहे. त्या अनुषंगाने आरोपी दत्तात्रय हरिदास जाधव (रा. जाधववस्ती, कळंब, ता. इंदापूर, जि. पुणे) याला पोलिसांनी बेड्या ठोकल्या आहेत. मृत हनुमंत जाधव बुधवारी (२३ ऑगस्ट) सकाळी आपली पत्नी व मुलगी स्वराली हिच्यासह शेतात गेले होते. यावेळी पाठीमागून येत आरोपीने हनुमंत जाधव यांच्या डोक्यात आणि हातावर धारदार कोयत्याने अनेक वार केले. तदनंतर हनुमंत जाधव यांना रक्तब...

संपादकीय इंदापूर शहराच्या मध्यवर्ती असलेल्या, तथा इंदापूरच्या वैभवात भर टाकणाऱ्या भार्गवराम तलावाची दगडी तटबंदी सध्या धोकादायक अवस्थेत असून, संबंधित प्रशासनाने वेळीच उपाययोजना न केल्यास या पुरातन तलावाच्या ऐतिहासिक खुणा नामशेष होतील अशी शक्यता निर्माण झाली आहे. सध्या बाग म्हणून वापरात असलेल्या या तलावाची तटबंदी जवळपास ३०० वर्ष पुरातन आहे. तलावाच्या उत्तर बाजूने पूर्व-पश्चिम अशी अंदाजे ३०० ते ३५० मीटर लांब असलेल्या या दगडी तटबंदीची प्रशासनाच्या दुर्लक्षामुळे दुरावस्था झाली आहे. परिणामी ती ढासळून अपघात होण्याचाही धोका निर्माण झाला आहे. याआधी तलावाची पूर्व बाजूची अंदाजे ३०-४० मीटर तटबंदी ऑक्टोबर २०२० मध्ये झालेल्या अतिृष्टीमध्ये ढासळली होती. तटबंदीचा ढासळलेला तो भाग ३ वर्षानंतर आजही जैसे थे अवस्थेत आहे. परिणामी तटबंदीच्या भराव्यावरून अकलूज लिंक रोडने वाहतूक करणे नागरिकांना त्रासदायक आणि धोकादायक ठरत आहे. या दगडी तटबंदीवर लिंब आणि वडाची अनेक झाडे नैसर्गिकरीत्या उगवली आहेत. प्रशासनाच्या दुर्लक्षामुळे ही झाडे आता सावली देण्याइतपत मोठी झाल्याने साहजिकच या झाडांच्या मुळ्या तटबंदीत खोलवर पसरल्य...

चार अटक, एक फरार; आरोपींची बलात्कार, गँगरेप, दरोडा आणि घरफोड्यांसारख्या गुन्ह्यांची पार्श्वभूमी मुत्सुद्देगिरी न्यूज नेटवर्क दरोड्याच्या तयारीत असलेली टोळी नुकतीच इंदापूर पोलिसांकडून जेरबंद करण्यात आली. शनिवारी (१९ ऑगस्ट) पहाटे ३ वाजण्याच्या सुमारास रेडा-सराफवाडी (ता. इंदापूर) रोडवर जेरबंद करण्यात आलेल्या या टोळीकडून पोलिसांनी स्क्रू ड्रायव्हर, ॲडजेस्टेबल पाना, लोखंडी कटावणी, मिरची पावडर आणि दोन दुचाकी हस्तगत केल्या आहेत. टायटन शिवा भोसले, शामराव उर्फ जगताप काळूराम भोसले, खोपेश्वर उर्फ खोप्या शिवा भोसले, दिलीप सयाजी पवार या चौघांना पोलिसांनी अटक केली आहे. तर शिवा मिट्टू भोसले हा आरोपी अंधाराचा फायदा घेत घटनास्थळावरून फरार झाला. हे सर्व आरोपी पिटकेश्वर (ता. इंदापूर, जि. पुणे) येथील रहिवाशी आहेत. सर्व आरोपींवर पोलीस अंमलदार विनोद गौतम लोखंडे यांच्या फिर्यादीवरून भा.द.वी. कलम ३९९, ४०२ अंतर्गत गुन्हा दाखल करण्यात आला आहे. इंदापूर न्यायालयाने आरोपींना २२ ऑगस्टपर्यंत पोलीस कोठडी सुनावली असून, अधिक चौकशीनंतर आरोपींकडून आणखी गुन्हे उघडकीस येतील अशी शक्यता पोलिसांनी वर्तवली आहे. या प्रकरणाचा अ...

मुत्सुद्देगिरी न्यूज नेटवर्क इंदापूर (१९ ऑगस्ट) :- एसटीमध्ये चढत असताना एका महिला प्रवाशाच्या बॅगेतील जवळपास ११ तोळे सोने चोरट्यांनी गडप केले. आज सकाळी ११.३० ते ११.४५ वाजण्याच्या दरम्यान घडलेल्या या प्रकरासंदर्भात चिन्मय गिरीश देशपांडे (रा. भारती टॉवर्स, अंबिकानगर, इंदापूर) यांनी इंदापूर पोलीस ठाण्यात तक्रार दाखल केली आहे. इंदापूर बस स्थानकात वारंवार घडणाऱ्या चोरीच्या घटना पाहता इंदापूर बस स्थानक प्रवाशांच्या लुटीचे केंद्र ठरत असल्याचे, तथा इथे चोरट्यांचे निर्विवाद वर्चस्व असल्याचे पुन्हा एकदा सिद्ध झाले आहे.  चिन्मय देशपांडे आपले वडील आणि पत्नीसह बार्शीला निघाले होते. यावेळी एसटीमध्ये चढत असताना हा प्रकार घडला. त्यांच्या पत्नीकडे असणाऱ्या बॅगेतून चोरट्यांनी साडेतीन लाखांच्या आसपास किंमतीचे ११ तोळे सोने ठेवलेले पाकीट गर्दीचा फायदा घेऊन लंपास केले. बसमध्ये चढताना खूप गर्दी असल्याचे, तसेच पत्नीच्या आसपास चार ते पाच महिला असल्याचे फिर्यादी यांनी म्हटले आहे. हा प्रकार पोलिसांना कळवताच सदर ठिकाणाचे सीसीटिव्ही पोलिसांकडून तपासण्यात आले. मात्र मागील घटनांची पार्श्वभूमी पाहता यातून काही नि...

आरोपीला इंदापूर बस स्थानकातून अटक; इंदापूर पोलीस ठाण्याच्या हद्दीतून अटक होणारा हा दुसरा आरोपी मुत्सुद्देगिरी न्यूज नेटवर्क इंदापूर (१७ ऑगस्ट) :- १२ जुलै रोजी प्रदिप रघुनाथ पवार (रा. रामतिर्थ तांडा, जळकोट, ता. तुळजापूर, जि. धाराशिव) या २६ वर्षीय युवकाचा सरडेवाडी (ता. इंदापूर) हद्दीत निर्घृणपणे खून करण्यात आला होता. केवळ लुबडण्याच्या उद्देशाने चार जणांनी केलेल्या या खून प्रकरणात पुराव्यांचा अभाव असतानाही इंदापूर पोलीस ठाण्याच्या गुन्हे शोध पथकाने सर्व आरोपींना मोठ्या शिताफीने बेड्या ठोकल्या आहेत. या प्रकरणातील फरार असलेला चौथा आरोपीही आता इंदापूर पोलिसांच्या कस्टडीत आला आहे. माधव केशव जाधव (रा. तिरुका, जळकोट, जि. लातूर) असे या आरोपीचे नाव असून, पुण्याला निघालेल्या या आरोपीला पोलिसांनी १३ ऑगस्ट रोजी इंदापूर बस स्थानकातून ताब्यात घेतले. या खून प्रकरणातील आदित्य मोरे (वय २० वर्षे, रा. गुत्ती, जि. लातूर), बालाजी वसंत माने (वय २६ वर्षे, रा. गिताईनगर, ता. उदगिर, जि. लातूर) आणि सागर धनराज जाधव (रा. तिरूका, ता. जळकोट, जि. लातूर) या तिघा आरोपींना पोलिसांनी याआधीच बेड्या ठोकल्या होत्या. पैकी सागर...

मुत्सुद्देगिरी न्यूज नेटवर्क इंदापूर (८ ऑगस्ट) :- झटपट श्रीमंत होण्याची आशा आणि कष्टाविना, कमी वेळेत जास्त परतावा मिळवण्याची हौस किती महागात पडू शकते याचा बोध देणारी घटना नुकतीच समोर आली. संजय अंकुश ठावरे (वय ३४ वर्ष, रा. ठवरेवस्ती, इंदापूर) या तरुणाला दाम दुपटीचे आमिष दाखवून पुण्यातील सहा जणांच्या टोळीने तब्बल २४ लाख ५२ हजारांचा चुना लावला. या संदर्भात अमोल भोजगुडे, शाम सुकने, सुषमा महेश गायकवाड, आकाश खिलारे, रेणुका अविनाश जावळे आणि महेश जीवनराव कोकणे या सहा जणांवर इंदापूर पोलीस ठाण्यात भा.द.वि. ४२० कलमांतर्गत गुन्हा दाखल करण्यात आला आहे. हा तरुण फेसबुकवर "सुषमा गायकवाड" नावाच्या अकाउंटवरून " गोल्डन बुल्स ॲकॅडमी " या कंपनीच्या गुंतवणुकीबाबत जाहिरात पाहून आरोपींच्या संपर्कात आला. रकमेवर दरमहा ५% परतावा, १२ महिन्यानंतर दाम दुप्पट, रक्कम नको असल्यास पुण्यात २ बीएचके फ्लॅट देण्याचे आमिष आरोपींकडून या फसलेल्या तरुणाला देण्यात आले होते. मात्र यासाठी किमान ३० लाखांची गुंतवणूक करण्याची अट तरुणाला घालण्यात आली होती. विश्वास संपादन करण्यासाठी फिर्यादीला हडपसर येथील मगरपट्टा...