मासिक मुत्सुद्देगिरी (बातमी मुत्सद्दीपणे)

  मुत्सुद्देगिरी न्यूज नेटवर्क सोलापूर (३० जानेवारी) :- आर्थिक फसवणूक आणि बलात्काराच्या गुन्ह्यात अटकेत असलेला व स्वतःला बाळूमामाचा अवतार म्हणवून घेणाऱ्या उंदरगाव (ता. करमाळा, जि. सोलापूर) येथील मनोहर भोसले  (Manohar Bhosale)  या भोंदू बाबाला अखेर १३२ दिवसांनंतर जामीन मंजूर झाला आहे. बार्शीच्या सत्र न्यायालयाने त्याचा जामीन मंजूर केला असल्याची माहिती त्याचे वकील ॲड. रोहित गायकवाड यांनी दिली आहे. (Barshi court grants bail to Manohar Bhosale in rape case) मनोहर भोसले उर्फ मन्या मामा सप्टेंबर २०२१ पासून अटकेत होता. यापूर्वी बार्शी सत्र न्यायालय व उच्च न्यायालयात त्याचा जामीन अर्ज फेटाळण्यात आला होता. पोलीसांनी आरोपपत्र दाखल केल्यानंतर बार्शी सत्र न्यायालयाने मनोहर भोसले याचा जामीन अखेर न्यायालयाने मंजूर केला आहे. या प्रकरणात सोमवारी (२३ जानेवारी) युक्तिवाद झाला होता. ॲड. गायकवाड यांचा युक्तिवाद ग्राह्य धरत न्यायाधीश जयंद्र जगदाळे यांनी जमीन मंजूर केला आहे. फिर्याद देणाऱ्या महिलेच्या जिल्ह्यात प्रवेश न करणे, पुराव्याच्या कामात हस्तक्षेप न करणे, न्यायालयाला कळवल्याशिवाय पत...

मुत्सुद्देगिरी न्यूज नेटवर्क इंदापूर (२७ जानेवारी) - कोरोना काळात उद्भवलेल्या परिस्थितीमुळे राज्यात निर्माण झालेला रक्ताचा तुटवडा भरून काढण्यासाठी रक्तदान शिबिरे आयोजित करण्यासाठी अनेकवेळा शासनाने आवाहन केल्याचे सर्वज्ञात आहे. या आवाहनाला सकारात्मक प्रतिसाद देत प्रजासत्ताक दिनाचे औचित्य साधत काल (२६ जानेवारी) इंदापूर शहर एआयएमआयएमच्या वतीने रक्तदान शिबिराचे आयोजन करण्यात आले होते. कसबा परिसरातील संभाजी चौकात पार पडलेल्या या रक्तदान शिबिरात ५३ रक्तदात्यांनी रक्तदान केले. या शिबिराचे उदघाटन पोलीस अधिकारी (पोलीस निरीक्षक) समीर शेख यांच्या हस्ते करण्यात आले. या कार्यक्रमाला बहुजन मुक्ती पार्टीचे राष्ट्रीय महासचिव ॲड. राहुल मखरे, इंदापूर नगरपरिषदेच्या नगराध्यक्षा अंकिता शहा, इंदापूर शिक्षण प्रसारक मंडळाचे सचिव मुकुंद शहा आणि अनेक पक्षांच्या आजी माजी नगरसेवकांनी हजेरी लावली. आमचा पक्ष लोकशाही व संविधानावर दृढ विश्वास ठेवणारा आणि सर्व जाती धर्माच्या लोकांना सोबत घेऊन चालणारा पक्ष असून, मोहोळच्या (जि. सोलापूर) शिवशंभो रक्त पेढीच्या सहकार्याने पार पडलेल्या या रक्तदान शिबिरात इंदापूर शहरातील स...

लसीकरणादरम्यान उपस्थित सर्व मुत्सुद्देगिरी न्यूज नेटवर्क इंदापूर (२७ जानेवारी) :- वाढत्या कोरोनाला प्रतिबंध करण्यासाठी शासनाच्या वतीने वेगवेगळ्या उपाययोजना राबवल्या जात असताना, इंदापूर शहरातील युवा वर्गही आता शासनाच्या मदतीला पुढे येताना दिसत आहे. वाढत्या कोरोनाला प्रतिबंध करण्याकामी लसीकरण ही अतिमहत्वाची बाब ओळखून इंदापूर शहराच्या कसबा परिसरातील युवकांनी प्रजासत्ताक दिनाचे औचित्य साधत काल (२६ जानेवारी) इंदापूर उपजिल्हा रुग्णालयाच्या सहकार्याने १८ वर्षांवरील नागरिकांसाठी कोरोना लसीकरण शिबिराचे आयोजन केले होते. सामाजिक कार्यात अग्रेसर असलेल्या चाँदतारा ग्रुपच्या युवकांनी आयोजित केलेल्या या लसीकरण शिबिरात कोविशिल्ड लस नागरिकांना देण्यात आली. जवळपास १५३ नागरिकांनी लसीकरणाचा लाभ या शिबिराच्या माध्यमातून घेतला. यामध्ये नागरिकांना पहिला डोस, दुसरा डोस आणि बूस्टर डोस देण्यात आला असल्याची माहिती चाँदतारा ग्रुपचे अध्यक्ष निहाल पठाण यांनी दिली आहे. रक्तदान शिबिरांसह अनेक सामाजिक कामे करणाऱ्या चांदतारा ग्रुपच्या युवकांचा उत्साह वाढवण्यासाठी जिल्हा परिषद सदस्या अंकिता पाटील ठाकरे आणि इंद...

नायब तहसीलदार यांना निवेदन देताना  काँग्रेसचे पदाधिकारी मुत्सुद्देगिरी न्यूज नेटवर्क इंदापूर (२६ जानेवारी) - संत तुकाराम महाराज पालखी मार्गावरील निमगाव केतकी येथील नियोजित बाह्यवळणा विरोधात शेतकरी १०० पेक्षा जास्त दिवसांपासून आंदोलन करीत आहेत. आता या आंदोलनाला महाराष्ट्र प्रदेश किसान काँग्रेस आणि इंदापूर काँग्रेसने आपला पाठिंबा दर्शविला असून, या संदर्भात सोमवारी (२४ जानेवारी) किसान कॉंग्रेस आणि इंदापूर काँग्रेसच्या वतीने इंदापूरच्या तहसीलदारांना निवेदन देण्यात आले. यावेळी, महाराष्ट्र प्रदेश किसान कॉंग्रेस सरचिटणीस तानाजी भोंग, इंदापूर तालुका कॉंग्रेसचे सरचिटणीस नितीन राऊत, संतोष शेंडे, राहुल आचरे, युवक काँग्रेसचे मिलिंद साबळे, अरुण राऊत, पोपट तरंगे आदी उपस्थित होते. पालखी मार्गावर बारामती पासून इंदापूरपर्यंत  कोणतेही बाह्यवळण नाही. मग अनेक अल्पभूधारक शेतकऱ्यांच्या जमिनी संपादन करून त्यांना भूमिहीन करून बाह्यवळण बनवण्याचे काय औचित्य. या अनाकलनीय निर्णयाने स्थानिक छोट्या छोट्या अनेक व्यावसायिकांचेही मोठे नुकसान होणार आहे. १५ ऑगस्ट रोजी बाह्यवळण करु नये असा ग्रामसभेचा ठराव प्राध...

मुत्सुद्देगिरी न्यूज नेटवर्क इंदापूर (२५ जानेवारी) :- चेहऱ्याला स्कार्फ बांधून चोरी करणारी महिला गँग इंदापूरात पुन्हा सक्रिय झाली असून, स्कार्फ बांधलेल्या चार अनोळखी महिलांनी इंदापूर शहरातील मेन रोडवरील सिध्देश्वर चौकात असलेल्या श्री. माळी ज्वेलर्स या सोन्या चांदीच्या दुकानात भर दिवसा चोरी केल्याची घटना रविवारी (२३ जानेवारी)  दुपारी  पाऊणे तीन वाजण्याच्या सुमारास घडली. यासंदर्भात दुकानाचे मालक आप्पा मारुती राऊत (रा. सावतामाळीनगर, इंदापूर) यांच्या फिर्यादीवरून चार अज्ञात महिलांच्या विरोधात इंदापूर पोलीस ठाण्यात भा. द. वि. ४०६, ४२० कलमांतर्गत फसवणुकीचा गुन्हा दाखल करण्यात आला आहे. हे देखील वाचा -  भिशी प्रकरण - आणखी काही चालकांवर गुन्हा दाखल होण्याची शक्यता; सभासदही गोत्यात येणार? याआधीही स्कार्फ बांधलेल्या चार महिलांचा समावेश असलेल्या एका महिला गँगने तीन महिन्यांपूर्वी इंदापूर शहरातील "व्यंकटेश शू वर्ल्ड" या फुटवेअरच्या दुकानात दिवसा ढवळ्या चोरी केली होती. रविवारी एका लहान बाळासह चांदीचे जोडवे व पैंजण घेण्याच्या बहाण्याने श्री. माळी ज्वेलर्स या सराफाच्या दुकानात आलेली ही ...

भूतकाळात इंदापूर पोलीस ठाण्याच्या अनेक पोलीस अधिकाऱ्यांसमोर भिशीमध्ये फसवणूक झाल्याचे प्रकरण उपस्थित झाले होते. मात्र एकाही अधिकाऱ्याला ठोस पाऊल उचलता आले नव्हते. परंतु पोलीस निरीक्षक तय्यब मुजावर यांनी या प्रकरणात निर्णायक भूमिका घेत आतापर्यंत १६ जणांवर गुन्हा दाखल करण्याचे धाडस दाखवल्याने त्यांचे सर्वत्र कौतुक होत आहे. यामुळेच हजारो भिशी धारकांनी गुरुवारी सायंकाळी इंदापूर पोलीस ठाण्याच्या आवारात जमा होऊन मुजावर यांचे कौतुक करत आभार मानले. मुत्सुद्देगिरी न्यूज नेटवर्क इंदापूर (२३ जानेवारी) :- भिशी नामी जुगार प्रकरणाचा छडा लावण्यासाठी पोलीसांनी हालचाली तीव्र केल्या असून, इंदापूर पोलीसांनी आतापर्यंत १६ जणांवर फसवणुकीचा गुन्हा दाखल केला आहे. तर वेगवेगळ्या दोन फिर्यादीनुसार फसवणुकीचा आकडा १२ कोटींच्या घरात पोहोचला आहे. शिवसेना शहर प्रमुख महादेव सोमवंशी यांच्या फिर्यादीवरुन ११ जणांविरोधात भा. द. वी. कलम ४०३, ४०८, ४०९, ४२०, १२० ब अशा जामीनपात्र व अजामीनपात्र कलमांन्वये गुरुवारी (२० जानेवारी) रात्री उशिरा, तर संदीप पाटील यांच्या फिर्यादीवरून ५ जणांविरोधात वरील कलमांन्वये गुन्हा दाखल करण्य...

  कांदलगावामध्ये बचतगटाच्या माध्यमातून महिला सक्षम होत असून, साऊ-जिजाऊंचा आदर्श डोळ्यासमोर ठेवून वाटचाल करत असल्याची बाब गौरवास्पद आहे -  जि. प. सदस्या ॠतुजा पाटील महिलांनी साऊ-जिजाऊंसारखे निर्भीड राहावे.  -   माधुरी लडकत, अंमलदार, निर्भया पथक मुत्सुद्देगिरी न्यूज नेटवर्क कांदलगाव (१३ जानेवारी) :- कांदलगाव ग्रामपंचायतीच्या वतीने दरवर्षीप्रमाणे "साऊ-जिजाऊ" यांची संयुक्त जयंती काल (१२ जानेवारी) साजरी करण्यात आली. या कार्यक्रमात जिजाऊंची वेशभूषा करून अंजुम पठाण, श्रेया भांगे, वैष्णवी शिंदे, सुहानी राखुंडे, साक्षी राखुंडे यांनी कार्यक्रमाची शोभा वाढविली. या कार्यक्रमानिमित्ताने गर्भवती महिलांचे सामुदायिक ओटीभरण करण्यात आले. सोबतच "माझी वसुंधरा अभियानांतर्गत घेण्यात आलेल्या विविध स्पर्धांचे बक्षीस वितरण माजी जि. प. सदस्या ॠतुजा पाटील व माधुरी लडकत यांच्या हस्ते करण्यात आले. "साऊ-जिजाऊ" महिला ग्रामसंघाच्या वर्षपूर्तीनिमित्त केक कापून वर्धापन दिन साजरा करण्यात आला. या वर्धापनदिनानिमित्त साऊ-जिजाऊ ग्रामसंघाने महिलांना मास्क स्वच्छतेचे वाण म्हणून, तर ग्रामपंचायतीच्या ...

भूतकाळातील पार्श्वभूमी पाहता इंदापूर शहरातील युवकांमध्ये गुन्हेगारीचे प्रमाण दिवसेंदिवस वाढत चालले असून, लहान सहान कारणांवरून युवक टोकाची भूमिका घेताना दिसत आहेत. भूतकाळात टोळी संघर्षातून शहरात अनेकांचे खून देखील झाले आहेत. पोलीसांनी कठोर पाऊले उचलत जून महिन्यात पवार टोळीतील ५ जणांवर संघटित गुन्हेगारी (मोक्का) कायद्यांतर्गत कारवाई केली होती. मात्र, अद्यापही युवक कायद्याला जुमानत नसल्याचे दिसत असून, लवकरच इंदापूरचे मुळशी होईल की काय अशी भीती निर्माण झाली आहे.

तलावाचा खचलेला भाग व लावलेले बॅरीगेट्स चेतन चव्हाण (संपादक) इंदापूर (७ जानेवारी) :- ऐतिहासिक इंदापूर शहरात भविष्यात ऐतिहासिक असं काहीच उरणार नसून, शाहू महाराजांच्या गुरूंचा वारसा असलेला भार्गवराम तलावाच्या दुरुस्तीचा प्रश्नही मागील एका वर्षापासून दुर्लक्षित आहे. तलावाच्या पूर्वेकडील भिंत सप्टेंबर (२०२०) महिन्यात झालेल्या अतिृष्टीमुळे ढासळली होती. प्रशासनाने त्वरा करत धोकादायक बनलेल्या भागाला बॅरिगेट्स लावून सुरक्षित केले खरे, मात्र एका वर्षांनंतरही परिस्थिती जैसे थे असून, ऐतिहासिक तलावाची दुरावस्था, वाहतुकीला अडथळा आणि अपघाताच्या शक्यतांमुळे नागरिकांमध्ये नाराजी असल्याचे दिसत आहे. दुरूस्तीचे काम निधीअभावी रखडले असल्याचे स्पष्टीकरण देत नगराध्यक्षांनी प्रस्ताव जिल्हाधिकाऱ्यांना पाठवला असल्याचे म्हटले आहे. त्यामुळे आता ऐतिहासिक तलावाच्या डागडुजीसाठी आणि रस्त्यावरील वाहतूक सुरळीत होण्यासाठी इंदापूरकरांना जिल्हाधिकारी मेहेरबान होण्याची वाट पाहावी लागणार आहे. भार्गवराम तलावाला ३०० पेक्षा जास्त वर्षांचा इतिहास आहे. असे म्हटले जाते की, सन १७१० मध्ये पडलेल्या दुष्काळात छत्रपती शाहू महाराज आण...

क्रांतीज्योती सावित्रीबाई फुले यांच्या जयंतीनिमित्त विनम्र अभिवादन 💐💐  साऊची सावली  💐💐 कधीतरी साऊची सावली होऊन पाहावं....!! अन् स्वतःच्या अस्तित्वाचं भान घेऊन जगावं....!! महालक्ष्मी,वैभवलक्ष्मी, व्रतवैकल्ये अन् उपास-तापास; या सगळ्यांच्या फेर्‍यात, लागला का कधी तुझ्याच अस्तित्वाचा तपास? कधीतरी साऊची सावली होऊन पाहावं....!!! भान-जाण आणि ज्ञान, साऊ-ज्योतीनं दिलं, शबरी आणि शनीचा, मग कशाला हवा हव्यास?? का करून घ्यावा स्त्रीत्वाचा उपहास?? कधीतरी साऊची सावली होऊन पाहावं...!! मुक्ताच्या सवालातून  व्यक्त होऊन पाहावं! परंपरेच्या बेड्या तोडून, तिमिरातून तेजाकडे पाहावं! फातिमाच्या साथीनं विद्येचं बीज अंकुरावं!!!! कधीतरी साऊची सावली होऊन पाहावं.....!!! चूल-मूल,भोग-उपभोग, अन् मढ्यावरचं जळणं मुंडन,खंडण आणि अपमान, हेच होतं ना जगणं? मग विद्येची देवता सरस्वतीलाच का मानावं?? कधीतरी साऊची सावली होऊन पाहावं.....!! पुराणातल्या सावित्रीनं  हतबलताच शिकवली.. पण जोतिबाच्या साऊनं लढण्याची ऊर्मी दिली... तू लावलीस ज्योत, मी वणवा होईन; ही ऊर्मी घेऊन जगावं, अन् संघर्षाचा फकीर व्हावं!! कधीतरी स...