मासिक मुत्सुद्देगिरी (बातमी मुत्सद्दीपणे)

प्रशासनाने अपघातास कारणीभूत गोष्टींकडे दुर्लक्ष केल्यास राष्ट्रवादी आंदोलन करणार मुत्सुद्देगिरी न्यूज नेटवर्क इंदापूर (१६ डिसेंबर) :- इं दापूर शहरातून होणाऱ्या अवजड वाहनांचा आणि धोकादायक ऊस वाहतुकीचा प्रश्न दिवसेंदिवस गंभीर होत चालला असून, गुरुवारी (१४ डिसेंबर) खुळे चौकात एका अवजड वाहनाने दुचाकीवर चाललेल्या दोघा शाळकरी विद्यार्थ्यांना धडक देऊन गंभीर जखमी केले. या संदर्भात आता राष्ट्रवादी काँग्रेसचा (शरद पवार गट) सामाजिक न्याय विभाग आक्रमक झाला असून, इंदापूरचे तहसीलदार, नगरपरिषद आणि पोलिसांना निवेदन देत अवजड वाहनांना शहरात प्रवेश बंदी करण्यासह, शहरातून जाणाऱ्या बेलगाम उसाच्या ट्रॅक्टर्सना वेगाची मर्यादा घालणे, तसेच बेशिस्त पार्किंग केलेल्या वाहनांवर कठोर कारवाई करण्याची मागणी केली आहे. इंदापूर शहरातून जाणाऱ्या पुणे सोलापूर महामार्गावर शाळा, कॉलेज, शासकीय कार्यालये, खाजगी व शासकीय दवाखाने, बस स्थानक इ. कारणांमुळे नागरिकांची, विशेषतः विद्यार्थ्यांची कायम वर्दळ असते. परंतु प्रशासनाच्या दुर्लक्षामुळे झालेल्या अपघातात अनेकांना आपला जीव गमवावा लागला आहे. शहरातून होणारी अवजड वाहतूक, नियमबाह्य ...

मुत्सुद्देगिरी न्यूज नेटवर्क इंदापूर (१६ डिसेंबर) - इंदापूर शहरातील मेहमुना बादशाह बेपारी (रा. कासारपट्टा, इंदापूर) ही अंदाजे ८० वर्ष वय असलेली महिला सोमवारपासून (११ डिसेंबर) उरुळी कांचन येथून बेपत्ता आहे. हनीफ बेपारी यांच्या त्या आई आहेत. रविवारी (१० डिसेंबर) त्या आपल्या मुलीला भेटण्यासाठी लोणी काळभोर या ठिकाणी गेल्या होत्या. दरम्यान सोमवारी दुपारी ३.३० मिनिटांच्या सुमारास त्या इंदापूरकडे येण्यासाठी उरुळी कांचन येथील पुणे सोलापूर महामार्गावर असणाऱ्या वाहन थांब्यावर आल्या होत्या. सायंकाळी ६ वा. ४५ मिनिटांच्या आसपास देखील त्या त्याच ठिकाणी होत्या. मात्र तदनंतरपासून त्यांच्याशी कुठल्याही प्रकारचा संपर्क झाला नसल्याचे, तथा त्यांनीही अद्याप कुटुंबीयांशी अथवा नातेवाईकांशी कोणताही संपर्क केला नसल्याचे त्यांच्या कुटुंबीयांनी म्हटले आहे. हे देखील वाचा - बांधकाम विभागाच्या अभियंत्यावर खोटा गुन्हा दाखल केल्याचा इंदापूर नगरपरिषद कर्मचाऱ्यांचा आरोप त्यांच्या कुटुंबीयांनी अनेक ठिकाणची बस स्थानके आणि रुग्णालयांमध्येही त्यांचा शोध घेतला. या संदर्भात उरुळी कांचन पोलीस ठाण्यात त्या हरवल्या असल्याची तक्...

नगरपरिषद कर्मचाऱ्यांचे कामबंद आंदोलन; अभियंत्यावर खोटा गुन्हा दाखल केल्याचा आरोप मुत्सुद्देगिरी न्यूज नेटवर्क इंदापूर (१५ डिसेंबर) :- इंदापूर नगरपरिषदेचे बांधकाम विभागाचे अभियंता रविराज राऊत यांच्यावर खोटा गुन्हा दाखल करण्यात आला असून, सखोल चौकशी करून मगच गुन्हे दाखल करावेत असा सल्ला/समज इंदापूर नगरपरिषदेच्या कर्मचाऱ्यांनी इंदापूर पोलिसांना दिली आहे. आज (१५ डिसेंबर) या संदर्भात नगरपरिषद कर्मचाऱ्यांनी पोलिसांना लेखी निवेदन दिले असून, कर्मचाऱ्यांनी काम बंद आंदोलन करत घटनेचा निषेध नोंदवला. तसेच संबंधित अभियंत्याला आपला पाठिंबाही दर्शवला आहे. रविराज राऊत यांच्यासह अन्य पाच जणांच्या विरोधात लखन अंकुश काळे (रा. शाहूनगर, इंदापूर) या युवकाच्या फिर्यादीवरून बुधवारी (१३ डिसेंबर) ॲट्रॉसिटीसह शिवीगाळ, दमदाटी आणि जीवे मारण्याच्या धमकी देण्याशी संबंधित कलमान्वये इंदापूर पोलिसांनी गुन्हा दाखल केला होता.  रविराज राऊत हे चार महिन्यांपूर्वी शाहूनगर भागात नगरपरिषदेच्या माध्यमातून सुरू असलेल्या काँक्रीटीकरणाच्या कामाची पाहणी करण्याकरिता गेले होते. परंतु तब्बल चार महिन्यांच्या अवधीनंतर पोलिसांनी या प्र...

संपादकीय इंदापूर प्रशासनाच्या बे-जबाबदार अधिकाऱ्यांनो...! बे'चा अर्थ इथे अधिक कर्तव्यदक्ष असा घ्या तुम्ही. सायनाच्या मृत्यूला कारणीभूत परिस्थितीला एका वर्षानंतरही जैसे थे ठेवण्यासाठी तुमचा निषेध करावा, का संपूर्ण देशभरात हीच परिस्थिती आहे म्हणून स्वतःची समजूत काढावी हेच कळेना. १० डिसेंबर २०२२ रोजी आय कॉलेजसमोर उसाच्या भरधाव ट्रॅक्टरने सायना लिके हिला चिरडले होते. वर्ष उलटले या दुर्दैवी घटनेला. असे कितीही चिरडले गेले तरी इंदापूरात तुमचं कुणीच काही वाकडं करू शकत नाही याचा अंदाज आल्यानेच संबंधित समस्यांकडे दुर्लक्ष करताय तुम्ही? ना कायदा, ना लोकं, ना लोक प्रतिनिधी, ना कोणता पक्ष, ना कोणती संघटना. तुम्हाला जाब विचारणारं, तुमच्या कर्तव्यात दक्षतेची मागणी करणारं इथे कुणीच नाही म्हणून फावतंय. केवळ करिअर म्हणून नव्हे तर देशसेवा करण्याच्या प्रामाणिक हेतूने प्रशासकीय सेवेत येणाऱ्यांचा काळ आता संपलाय हे तुम्हाला बघून पटू लागलंय. लाखोंची शास्ती आणि बेहिशेबी लगान घेत असल्याचे आरोप करत नागरिक नगरपरिषदेविरोधात मागील अनेक महिन्यांपासून  लोकशाही मार्गाने  लढा देत आहेत. मात्र नगरपरिषद प्रशासनाल...

मुत्सुद्देगिरी न्यूज नेटवर्क  इंदापूर (१ डिसेंबर) :-  इंदापूर शहरातील अरबाज आसिफ शेख यांची नुकतीच राष्ट्रवादी युवक काँग्रेसच्या (शरद पवार गट) महाराष्ट्र प्रदेश सचिव पदी निवड करण्यात आली. रविवारी (२६ नोव्हेंबर) मुंबईतील वाय. बी. चव्हाण सेंटर येथे संसदरत्न, तथा बारामती लोकसभा मतदार संघाच्या खासदार सुप्रिया सुळे आणि राष्ट्रवादी युवक काँग्रेसचे महाराष्ट्र प्रदेशाध्यक्ष मेहबूब शेख यांच्या हस्ते त्यांना निवडीचे पत्र देण्यात आले. याप्रसंगी पक्षाचे अनेक पदाधिकारी आणि कार्यकर्ते उपस्थित होते. अरबाज शेख यांनी यापूर्वी राष्ट्रवादी युवक काँग्रेसचे इंदापूर शहराध्यक्ष पद भूषविले असून, राष्ट्रवादी युवक कॉंग्रेसचे राष्ट्रीय अध्यक्ष धीरज शर्मा यांचे ते निकटवर्तीय मानले जातात. कामाची दखल, तथा पक्ष विचारांशी एकनिष्ठ राहिल्याच्या परिणामी त्यांना पक्षाकडून थेट राज्यस्तरावर काम करण्याची संधी देण्यात आली आहे. जुलै २०२३ मध्ये अजित पवार यांच्या बंडामुळे राष्ट्रवादी काँग्रेसमध्ये उभी फूट पडली होती. या फुटीनंतर राष्ट्रवादीचे इंदापूर तालुक्याचे आमदार दत्तात्रय भरणे हे अजित पवार गटात सामिल झाले होते. परिण...

मुत्सुद्देगिरी न्यूज नेटवर्क इंदापूर (१७ नोव्हेंबर) - इंदापूर नगरपरिषदेच्या पूर्वेकडून जाणाऱ्या ४० फुटी रस्त्यावर एका पाळीव मात्र हिंस्र कुत्र्याने चांगलीच दहशत माजवली असून, काल (१६ नोव्हेंबर) एकाच दिवसात या कुत्र्याने हल्ला करून तब्बल ११ जणांना जखमी केले आहे. मादा जातीच्या या कुत्र्याने याआधीही अनेक जणांना चावा घेऊन गंभीर जखमी केले होते. नागरिकांच्या अनेक तक्रारी आणि माध्यमांमध्ये प्रसिद्ध वृत्तानंतरही नगरपरिषद प्रशासन याकडे जाणीवपूर्वक दुर्लक्ष करत असल्याचे दिसत आहे. त्यामुळे नागरिकांमध्ये कुत्र्याची, परंतु या कुत्र्याचा बंदोबस्त करण्यास धजावत नसलेल्या नगरपरिषद प्रशासनावर कोणाची दहशत आहे? कोण यांना धाकात ठेवत आहे? असा सवाल उपस्थित केला जात आहे. काल रात्री १० वाजण्याच्या सुमारास दुचाकीवरून निघालेल्या विजय शेवाळे यांच्या डाव्या पायाचा चावा घेत या कुत्र्याने त्यांना गंभीर जखमी केले. तर इंदापूरमध्ये नितीन अर्जुन पवार (रा. ४० फुटी रोड, इंदापूर) यांच्या घरी पाहुण्या म्हणून आलेल्या इंदुमती सिताराम आटोळे (रा. शिर्सुफळ, ता. बारामती) या महिलेलाही याच कुत्र्याने गंभीर जखमी केले. उपचारार्थ उपजिल...

आरोपीच्या वतीने ॲड. अक्रम आसिफ शेख यांनी बाजू मांडली मुत्सुद्देगिरी न्यूज नेटवर्क इंदापूर (२६ ऑक्टोबर) :- ऐन दसऱ्याच्या दिवशी इंदापूर शहरानजीक झालेल्या अपघातात दशरथ मारुती चोरमले (वय ५५ वर्ष, रा. काळखे वस्ती, गलांडवाडी नं. १, ता. इंदापूर, जि. पुणे) या व्यक्तीचा जागीच मृत्यू झाला होता. भरधाव वेगात पुण्याच्या दिशेने निघालेल्या एका मालवाहतूक करणाऱ्या ट्रकने त्यांना पाठीमागून धडक दिली होती. मंगळवारी (२४ ऑक्टोबर) सकाळी १० वाजण्याच्या सुमारास झालेल्या या अपघातानंतर ट्रक चालक प्रकाश हनुमंत भंवर (रा. निमगाव डाकू, ता. कर्जत, जि. अहमदनगर) याला अटक करण्यात आली होती. रोहिदास बाळू चोरमले (रा. काळखे वस्ती, गलांडवाडी नं. १, ता. इंदापूर, जि. पुणे) यांच्या फिर्यादीवरून त्याच्यावर इंदापूर पोलीस ठाण्यात भा.द. वि. ३०४ अ, २७९ सह विविध कलमांतर्गत बुधवारी (२४ ऑक्टोबर) गुन्हा दाखल करण्यात आला होता. या प्रकरणी आरोपीला इंदापूर दिवाणी व फौजदारी न्यायालयाने ५० हजारांच्या जातमुचलक्यावर, तथा तपास कार्यात सहकार्य करण्याच्या अटीवर अपघाताच्या दुसऱ्याच दिवशी, अर्थात बुधवारी (२५ ऑक्टोबर) जामीन देत सुटका करण्यात आली. या...

मुत्सुद्देगिरी न्यूज नेटवर्क इंदापूर (२५ ऑक्टोबर) :- अनैतिक संबंधांना अडचण ठरणाऱ्या पतीचा खून केल्याचा धक्कादायक प्रकार इंदापूर शहरात सोमवारी (२३ ऑक्टोबर) रात्री १० वाजण्याच्या सुमारास घडला होता. या प्रकारात धारदार हत्याराने भोकसल्याने जबर जखमी झालेले ईश्वर भीमराव कांबळे (रा. टेंभुर्णी नाका, इंदापूर) यांच्यावर पुण्याच्या ससून रुग्णालयात उपचार सुरू होते. मात्र बुधवारी (२५ ऑक्टोबर) रात्री अडीच वाजण्याच्या सुमारास त्यांचा मृत्यू झाला. सूत्रांनी दिलेल्या माहितीनुसार त्यांच्यावर आज सायंकाळी त्यांच्या मूळ गावी अंत्यसंस्कार करण्यात येणार होते. ही घटना घडल्यानंतर मृताचे वडील भीमराव सुदाम कांबळे (रा. आंबेगाव कुबेर प्रॉपर्टी, ता हवेली, जि. पुणे) यांनी मंगळवारी (२४ ऑक्टोबर) सूनेसह अन्य दोघांच्या विरोधात फिर्याद दिली होती. त्या पार्श्वभूमीवर इंदापूर पोलिसांनी मृताची पत्नी रूपाली ईश्वर कांबळे, तिचा प्रियकर पिनेश उर्फ मयूर महेंद्र धाईंजे (दोघे रा. टेंभुर्णी नाका) आणि त्याचा मित्र नवनाथ शेंडे (रा. अंबिकानगर, इंदापूर) या तिघांविरोधात भा.द.वि. ३०७, ४५२, ३४ अशा विविध कलमाअंतर्गत गुन्हा दाखल केला होता. व...

मुत्सुद्देगिरी न्यूज नेटवर्क इंदापूर (२४ ऑक्टोबर) :- अनैतिक संबंधात अडचण ठरणाऱ्या पतीचा काटा काढण्यासाठी पत्नीनेच आपल्या प्रियकर आणि त्याच्या मित्रासोबत पतीचा धारदार हत्याराने खून करण्याचा प्रयत्न केल्याची धक्कादायक घटना इंदापूर शहरात घडली. सोमवारी (२३ ऑक्टोबर) रात्री १० वाजण्याच्या सुमारास घडलेल्या या घटनेत गंभीर जखमी झालेल्या ईश्वर भीमराव कांबळे (रा. टेंभुर्णी नाका, इंदापूर) यांना पुण्याच्या ससून रुग्णालयात दाखल करण्यात आले आहे. सध्या ते अत्यवस्थ अवस्थेत आहेत. या संदर्भात भीमराव सुदाम कांबळे (रा. आंबेगाव कुबेर प्रॉपर्टी, ता हवेली, जि. पुणे) यांच्या फिर्यादीवरुन पत्नी रूपाली ईश्वर कांबळे आणि तिचा प्रियकर पिनेश उर्फ मयूर महेंद्र धाईजे (दोघे रा. टेंभुर्णी नाका) आणि प्रियकराचा मित्र नवनाथ शेंडे (रा. अंबिकानगर, इंदापूर) यांच्या विरोधात भा.द.वि. ३०७, ४५२ कलमाअंतर्गत इंदापूर पोलीस ठाण्यात गुन्हा दाखल करण्यात आला आहे. फिर्यादी यांच्या म्हणण्यानुसार, त्यांचा मुलगा व या घटनेतील जखमी ईश्वर भीमराव कांबळे यांची पत्नी रुपाली ईश्वर कांबळे आणि पिनेश उर्फ मयूर महेंद्र धाईजे यांच्यामध्ये अनैतिक संबंध ...

मुत्सुद्देगिरी न्यूज नेटवर्क   इंदापूर (२४ ऑक्टोबर) :- दसऱ्याच्या शुभ मुहूर्तावर एक अशुभ घटना आज सकाळी इंदापूर नजीक घडली. दसऱ्याची खरेदी करून घरी निघालेल्या दशरथ मारुती चोरमले (अंदाजे वय ५० वर्ष, रा. काळके वस्ती, गलांडवाडी नं. १, ता. इंदापूर) या दुचाकीस्वाराला भरधाव ट्रकने चिरडले. या घटनेत त्यांचा जागीच मृत्यू झाला. दूध विक्री करून, तथा दसऱ्यासाठी झेंडूची फुले आणि इतर साहित्य खरेदी करून ते घरी निघाले असता पाठीमागून आलेल्या भरधाव ट्रकने (एमएच ३२ एजे ९२७३) त्यांना चिरडले. ही दुर्दैवी घटना आज (२४ ऑक्टोबर) सकाळी १० वाजण्याच्या सुमारास इंदापूरनजीक पुणे सोलापूर महामार्गावर असणाऱ्या दुर्गेश्वरी हॉटेल आणि चैतन्य हॉटेलच्या दरम्यान घडली. ऐन दसऱ्याच्या शुभ मुहूर्तावर ही दुर्दैवी घटना घडल्याने हळहळ व्यक्त केली जात आहे. हा अपघात एवढा भयानक होता की, दुचाकीस्वाराच्या मेंदूसह शरीराचे अवयव घटनास्थळी अक्षरशः विखुरले होते. या घटनेनंतर ट्रक (एमएच ३२ एजे ९२७३) चालक पसार झाल्याची प्राथमिक माहिती समोर येत आहे. दशरथ चोरमले नेहमीप्रमाणे सकाळी दूध विक्री करण्यासाठी इंदापूर शहरात आले होते. यावेळी दूध विक्री ...

  तिघा युवकांचा समावेश; लोणी काळभोर पोलिसांची कारवाई मुत्सुद्देगिरी न्यूज नेटवर्क इंदापूर (२३ ऑक्टोबर) :- निलेश बनसुडे टोळीवर मोक्का कायद्यांतर्गत लोणी काळभोर पोलिसांकडून नुकतीच कारवाई करण्यात आली. महाराष्ट्र संघटीत गुन्हेगारी नियंत्रण कायदा १९९९ चे कलम ३ (१,३,४) अंतर्गत ही कारवाई करण्यात आली असून, कारवाई करण्यात आलेले सर्व आरोपी इंदापूर शहरातील रहिवाशी आहेत. यामध्ये टोळी प्रमुख निलेश मल्हारी बनसुडे (वय २६ वर्ष, रा. राजवेलीनगर चौक, बनसुडे मळा, इंदापूर) याच्यासह ओम सोमदत्त तारगावकर (वय २१, रा. महतीनगर, इंदापूर) आणि रोहित मच्छिंद्र जामदार (वय २३, रा. जामदार गल्ली, कसबा पेठ, इंदापूर) या टोळी सदस्य असलेल्या दोघा युवकांचा समावेश आहे.  दि वेघाटात रात्री ८ वाजण्याच्या सुमारास एका दुचाकीस्वाराला बंदूक सदृश वस्तूचा धाक दाखवून लुबाडल्याप्रकरणी या तिघांविरोधात लोणी काळभोर पोलीस ठाण्यात १० जुलै २०२३ रोजी गुन्हा दाखल करण्यात आला होता. तर ११ जुलै रोजी या तिघांनाही अटक झाली होती. तिघांची गुन्ह्यांची पार्श्वभूमी पाहता ही कारवाई करण्यात आली आहे. सध्या हे सर्व आरोपी फरार आहेत. काळेवाडी (ता. पुर...

संपादकीय २०१९ मध्ये अवघ्या दीड हजार मतांच्या फरकाने दत्तात्रय भरणे यांची आमदारकी वाचली होती. २०२४ मध्ये मात्र ही आमदारकी वाचवणे त्यांच्यासाठी तारेवरची कसरत ठरणार असेच एकंदरीत चित्र आहे. वर्षभरात महाराष्ट्राच्या राजकारणात झालेली उलथापालथ, रस्त्यांच्या कामात होणारे भ्रष्टाचाराचे आरोप, अनेक आरोपानंतरही भ्रष्ट ठेकेदारांवर कृपादृष्टी, प्रशासनावर नसलेला वचक, शरद पवार यांच्याशी दगा, पक्षात पडलेली उभी फूट, भाजपवर जातीवादाचे हजारो आरोप करूनही सत्तेसाठी भाजपसोबतच युती, परिणामी मतदारांमध्ये वाढलेली नाराजी, गमावलेली विश्वासहार्यता, कार्यकर्त्यांमधील संभ्रमावस्था, युवक, बेरोजगार, उद्योग, व्यवसाय, शेतकरी, शिक्षण यासाठी न'च्या घरात कामे, या आणि अशा अनेक कारणांमुळे भरणे आमदारकीची हॅट्रिक करतील याबाबत शंका उपस्थित होणं स्वाभाविक आहे. माणूस म्हणून चांगले असले तरी आमदार म्हणून भरणे कसे आहेत याचं लोकांनी निवडणूकपूर्व ऑडिट करणं, आमदारकीची समीकरणे बिघडवणाऱ्या बाबींचं भरणे यांनी आत्मपरीक्षण करणं, तर माध्यमांनी त्यांच्या चुकांवर बोट ठेवणं गरजेच आहे. खरं तर तालुक्यातील रस्त्यांच्या कामांत मोठ्या प्रमाणावर ...

मुत्सुद्देगिरी न्यूज नेटवर्क इंदापूर (१६ ऑक्टोबर) :- जनशक्ती संघटनेचा संस्थापक अध्यक्ष अतुल खुपसे याच्यासह अन्य चार जणांच्या विरोधात इंदापूर पोलीस ठाण्यात शनिवारी (१४ ऑक्टोबर) खंडणीचा गुन्हा दाखल करण्यात आला होता. त्यांच्यावर एन.पी.इन्फ्रा प्रोजेक्ट प्रा.लि. या कंपनीच्या कर्मचाऱ्यांना जीवे मारण्याची धमकी देण्यासह, कंपनीची बदनामी आणि कंपनीच्या मालमत्तेचे नुकसान करण्याची धमकी देऊन तब्बल २५ लाख रु. खंडणी वसूल केल्याचा आरोप आहे. या संदर्भात कंपनीचे पर्यवेक्षक (सुपरवाईझर) सतीश किसन भुकन (रा. मार्केटयार्ड पुणे, सध्या रा. बेडशिंगे, ता. इंदापूर) यांच्या फिर्यादीवरून, अतुल खुपसे, बालाजी शिरसकर (दोघेही रा. उपळवटे, ता. माढा जि. सोलापुर), विजय देशमुख, अविनाश देशमुख (दोघेही रा. टेंभूर्णी, ता. माढा, जि. सोलापूर) यांच्यासह राजकीय पार्श्वभूमी असलेल्या इंदापूर तालुक्यातील एकावर भा.द.वि. १८६०, कलम ३८४, ३८५, ३८७  सह संबंधित अन्य कलमांन्वये गुन्हा दाखल करण्यात आला होता. अतुल खुपसे हा आरोपी गतमहिन्यात तालुक्यातील गौणखनीज उत्खननाच्या संदर्भात आमदार दत्तात्रय भरणे यांच्यावरील आरोपामुळे चर्चेत आला होता. फ...

मुत्सुद्देगिरी न्यूज नेटवर्क इंदापूर (२७ सप्टेंबर) :- उद्या होणाऱ्या सार्वजनिक गणेश विसर्जनाच्या पार्श्वभूमीवर इंदापूर पोलिसांकडून रेकॉर्डवरील अनेक आरोपींवर कलम १४४ (२) अन्वये कारवाईचा बडगा उगारण्यात आला आहे. यामध्ये इंदापूर पोलीस ठाण्याच्या हद्दीतील तब्बल ३० जणांना इंदापूर तालुक्याच्या हद्दीतून पुढील ३ दिवसांकरीता हद्दपार करण्यात आले आहे. गणपती विसर्जन कार्यक्रम निर्विघ्न पार पडावा यासाठी पोलिसांकडून हे पाऊल उचलण्यात आल्याचे, तथा तसे आदेश पुणे ग्रामीणचे पोलीस अधीक्षक अंकित गोयल यांनी दिल्याचे इंदापूर पोलिसांनी म्हटले आहे. यासंदर्भात पोलिसांकडून संबंधित आरोपींची नावे असलेले पत्रक प्रसिद्ध करण्यात आले आहे. यामध्ये, राजेन्द्र उर्फ राजु महादेव भाळे  (रा. खोरोची, ता. इंदापूर), बंटी उर्फ सुमित सुधीर सोनवणे (रा. आंबेडकरनगर,  इंदापूर),  राहुल बाळासाहेब पवार (रा. वडारगल्ली,  इंदापूर ) माऊली उर्फ ज्ञानेश्वर बाळासाहेब तोंडे (रा. लोणीदेवकर ता.  इंदापूर ), विवेक रामदास चौगुले (रा. वडारगल्ली, इंदापूर ), नितीन महादेव घनवट (रा. आठभाईमळा,  इंदापूर ) संजय उमाजी चव्हाण (रा. ...

समीर सय्यद (उपसंपादक) इंदापूर तालुक्यातील शासकीय कामांचे केंद्र असलेल्या प्रशासकीय इमारतीसमोरील १०० फुटी रस्ता मुदतपूर्व खड्डेमय झाला आहे. हा रस्ता अनेकविध कारणांनी महत्वाचा असूनही प्रशासनाच्या दुर्लक्षामुळे नागरिकांना खड्ड्यांचा नाहक त्रास सहन करावा लागत आहे. खड्डा चुकवायचा व रस्ता शोधायचा अशी तारांबळ वाहन चालकांची होत असून, पावसाळ्यात डबक्यांचा आणि एरव्ही धुळीचा, निघालेल्या खडीचा त्रास नागरिकांना होत आहे. अजब की ! नेहमी वाहनवर्दळीच्या आणि खड्ड्यांमुळे चाळण झालेल्या या रस्त्याचे डांबरीकरण अथवा डागडुजी करणे अपेक्षित असताना प्रशासनाकडून अनावश्यक ठिकाणी पैसा मात्र मोठ्या इमानदारीने खर्च केला जात आहे. अर्थातच जखम एका ठिकाणी इलाज मात्र भलत्याच ठिकाणी सुरू आहे. इंदापूर शहराला तालुक्याच्या उत्तर पूर्व पट्ट्याशी जोडणारा हा मुख्य मार्ग आहे. उत्तर पूर्व पट्ट्यातील हजारो नागरिक शासकीय व खाजगी कामांसाठी एसटीने अथवा खाजगी वाहनाने शहरात येण्याजाण्यासाठी मुख्यत्वे याच रस्त्याचा वापर करतात. प्रशासकीय कामांचे केंद्रही इथेच असल्याने या रस्त्यावर कायमच वाहनांची वर्दळ असते. विशेषतः इंदापूर शहरातील आरोग्य...

इंदापूर पोलीस ठाण्यात पती, सासू, सासरे आणि लग्न जमवणाऱ्यावर फसवणुकीचा गुन्हा दाखल मुत्सुद्देगिरी न्यूज नेटवर्क इंदापूर (१९ सप्टेंबर) :- लग्नाचे फेरे घेत असताना ऐनवेळी मंडपात येऊन पतीच्या दुसऱ्या लग्नाचा डाव पत्नीनेच उधळल्याचा सीन अनेकवेळा आपण चित्रपटात पाहिला आहे. मात्र अशीच एक घटना इंदापूर तालुक्यातही घडली आहे. पहिले लग्न होऊनही दुसऱ्यांदा बोहल्यावर चढण्यासाठी आतुर झालेल्या नवऱ्याचा हा डाव पत्नीनेच उधळून लावला. पहिली पत्नी आणि होणारी दुसरी पत्नी आणि तिच्या कुटुंबीयांना अंधारात ठेवणारा फसवा पती अभिजित बाबुलाल सरतापे, सासू संगीता बाबुलाल सरतापे, सासरा बाबुलाल महादेव सरतापे (सर्व रा. धुळदेव, ता. माण, जि. सातारा) आणि सर्व हकीकत माहिती असूनही लग्नासाठी स्थळ आणणारा व बिंग फुटताच पळ काढणारा दत्तात्रय रामचंद्र गायकवाड (रा. पिंपरी बु. ता. इंदापूर, जि. पुणे) अशा चौघांवर फसवणुकीचा गुन्हा दाखल करण्यात आला आहे. चित्रपटात शोभेल अशा या घटनेसंदर्भात मुलीच्या वडिलांनी इंदापूर पोलीस ठाण्यात फिर्याद दिली आहे. रुपाली महादेव ढवळे (रा. म्हसवड, ता. माण, जि. सातारा) यांचे आरोपी अभिजित याच्याशी जुलै २०२० मध्य...

मुत्सुद्देगिरी न्यूज नेटवर्क इंदापूर (१२ सप्टेंबर) : - उजनी पाणलोट क्षेत्राच्या उत्तर पूर्व पट्ट्यासह इंदापूर तालुक्याच्या दक्षिण आणि पश्चिम भागात रात्री अपरात्री घिरट्या घालणाऱ्या अज्ञात ड्रोनने नागरिकांच्या चिंता वाढवल्या होत्या. मात्र आता इंदापूर शहरातही अज्ञात ड्रोन घरांच्या खिडक्यांमध्ये घिरट्या घालत असल्याने नागरिकांमध्ये भीतीचे वातावरण आहे. इंदापूर शहराच्या सरस्वतीनगर भागात मागील तीन चार दिवसांपासून अज्ञात ड्रोन घिरट्या घालत असल्याचे नागरिकांचे म्हणणे आहे. मात्र संबंधित प्रशासनाकडे याचे समाधानकारक उत्तर नसल्याने नागरिक चांगलेच चिंतेत दिसत आहेत. साधारण आकाराचे हे ड्रोन रात्री ९ ते १० वाजण्याच्या दरम्यान सरस्वतीनगर परिसरात घिरट्या घालत आहे. बारामतीच्या दिशेकडून एन्ट्री करणारे आणि त्याच दिशेने निघून जाणारे हे ड्रोन घरांच्या खिडक्यांमध्ये तासभर डोकावत असल्याचे, तसेच घिरट्या घालत घरांचा, परिसराचा चाखाचोळा घेत असल्याचे नागरिकांचे म्हणणे आहे. परिणामी संपूर्ण परिसरातील नागरिकांमध्ये भीतीचे वातावरण आहे. दरम्यान इंदापूर शहरात वाढत्या चोऱ्यांचा, तसेच काही दिवसांपूर्वी सरस्वतीनगर परिसरात झ...

मुत्सुद्देगिरी न्यूज नेटवर्क इंदापूर (९ सप्टेंबर) :- बऱ्याच वेळा आरोपींना पकडण्यासाठी पोलिसांना कसब पणाला लावावे लागतात. मात्र कधी कधी आरोपी आपल्याच चुकांमुळे, तर कधी नागरिकांच्या धाडसामुळे पकडलेही जातात. गुरुवारी (७ सप्टेंबर) दुपारी २ वाजण्याच्या सुमारास गलांडवाडी नं. २ आणि गोखळी हद्दीदरम्यान असाच एक किस्सा घडला. या घटनेत गलांडवाडी नं. २ (ता. इंदापूर) हद्दीतील एका शेतीच्या कंपाऊंडचे लोखंडी खांब आणि जाळी चोरणाऱ्या तिघा आरोपींपैकी एका आरोपीला पाठलाग करून शेतमालकाने पकडले. मात्र हे शक्य झाले ते आरोपीची दुचाकी (एमएच १३ सीजी ७७८२) गोखळी हद्दीतील सोनाई पेट्रोल पंपाजवळ पालखी मार्गावरील डिव्हायडरला धडकून अपघात झाल्याने. या घटनेत किरण शशिकांत काळे (रा. इंदिरा घरकुल, अकलूज, ता. माळशिरस) हा आरोपी जखमी अवस्थेत पकडला गेला. या घटनेत आरोपीच्या दुचाकीवर बसलेला एक आणि दुसऱ्या दुचाकीवरील एक असे त्याचे दोघे साथीदार मात्र फरार होने मे कामयाब हूए. सूरज कैलास चोरमले (रा. इंदिरा घरकुल, अकलूज, ता. माळशिरस) आणि गणेश चंद्रकांत काळे (रा. नवीन बाजारतळ, मार्केट कमिटीजवळ, इंदापूर) अशी त्याच्या दोघा साथीदारांची नाव...

आरोपी आशा वर्कर्स संघटनेचा पदाधिकारी; इंदापूर पोलीस ठाण्यात गुन्हा दाखल मुत्सुद्देगिरी न्यूज नेटवर्क इंदापूर (८ सप्टेंबर) :- नावाने श्रीमंत मात्र कर्तुत्वाने भिकारी असलेल्या आशा वर्कर्स संघटनेच्या पदाधिकाऱ्याने टू व्हीलर देण्याच्या आमिषाने इंदापूर तालुक्यातील ३३ आशा स्वयंसेविकांची लाखोंची फसवणूक केल्याची घटना नुकतीच उघडकीस आली. या संदर्भात रेश्मा आलम सय्यद (रा. लुमेवाडी, ता. इंदापूर, जि. पुणे) यांनी मंगळवारी (५ सप्टेंबर) इंदापूर पोलीस ठाण्यात तक्रार दिली आहे. त्या अनुषंगाने महाराष्ट्र आशा वर्कर्स व गटप्रवर्तक संघटनेचा सरचिटणीस श्रीमंत बाबुराव घोडके (रा. कोथरूड, पुणे) याच्याविरोधात फसवणुकीचा गुन्हा दाखल करण्यात आला आहे. फसवणूक झालेल्या तमाम आशा स्वयंसेविकांनी ३१ ऑगस्ट रोजी इंदापूर पोलीस ठाण्यात तक्रारी अर्जही दिला होता. या प्रकरणातील आरोपी सध्या फरार असून, लवकरच तो आमच्या तावडीत सापडेल असे पोलिसांनी म्हटले आहे. १० लाखांपेक्षा जास्त आशा स्वयंसेविका भारतातल्या ग्रामीण भागातल्या अहोरात्र झटत आहेत. कोव्हीड-19 च्या काळात केलेल्या कामाची दखल घेत WHO ने ग्लोबल हेल्थ लीडर अवॉर्ड २०२२ साठी भारता...

मुत्सुद्देगिरी न्यूज नेटवर्क इंदापूर (६ सप्टेंबर) :- एका व्यक्तीला एक चहा चक्क १ लाख रुपयांना पडला. होय ! १ लाख रुपयांना. हे घडलंय ते इंदापूर शहरातील प्रशासकीय इमारतीनजीक. नगरपरिषदेच्या गाळ्यांमध्ये भोईटे अमृततुल्य चहाच्या सेंटरवर चहा पिण्यासाठी थांबलेल्या एका व्यक्तीच्या गाडीची काच फोडून चोरट्याने तब्बल १ लाख रु. चोरून नेहले. हा धक्कादायक प्रकार मंगळवारी (५ सप्टेंबर) दुपारी साडेतीन वाजण्याच्या सुमारास घडला. या संदर्भात दिलीप नारायण सावंत (रा. खोराची, ता. इंदापूर, जि. पुणे) यांनी अज्ञात चोरट्याविरोधात इंदापूर पोलीस ठाण्यात तक्रार दाखल केली आहे. फिर्यादी इंदापूर अर्बन बँकेतून पैसे काढून भोईटे यांच्या चहाच्या सेंटरवर चहा पिण्यासाठी अवघे १० मिनिटे थांबले होते. फिर्यादी यांनी बँकेतून काढलेली रक्कम आपल्या स्विफ्ट (MH 45 AL 9053) गाडीच्या ड्रॉवरमध्ये ठेऊन, गाडी लॉक करून चहा पिण्यासाठी गेले होते. दरम्यान चहा पिऊन परत आल्यानंतर त्यांना आपल्या गाडीची पुढील डाव्या बाजूची काच फुटलेली दिसली. यावेळी गाडीतील ड्रॉवर उघडे आणि त्यातील रक्कम गायब असल्याचे त्यांना दिसले. दिवसाढवळ्या, भर दुपारी आणि वर्दळी...

मुत्सुद्देगिरी न्यूज नेटवर्क इंदापूर (३ सप्टेंबर) :-  इंदापूर शहरातून जाणाऱ्या जुन्या पुणे सोलापूर महामार्गावर बुलेट शोरुमच्या समोर (एसबीआय बँकेच्या शेजारी) निष्काळजीपणे टाकण्यात आलेला मातीचा ढिगारा अपघाताची वाट बघत उभा आहे. नियमबाह्य पद्धतीने रस्त्यावरच टाकण्यात आलेल्या या मातीच्या ढिगाऱ्यामुळे पुण्याच्या दिशेने जाणारी एक लेन वाहतुकीसाठी बंद झाली असून, संबंधित प्रशासनाच्या, ठेकेदाराच्या निष्काळजीपणाचे फलित एखाद्या अपघाताच्या स्वरूपात समोर येऊ शकते. त्यामुळे काट्याचा नायटा होण्याआधीच हा ढिगारा हटवणे गरजेचे आहे. मागील अनेक दिवसांपासून याठिकाणी गटारीचे काम सुरू आहे. मात्र हे काम करत असताना संबंधित प्रशासन, ठेकेदार यांच्याकडून सुरक्षेची यथावश्यक काळजी घेण्यात आलेली नाही. काम तात्काळ पूर्ण करणे, काम पूर्ण होईपर्यंत वाहतुक दुसऱ्या लेनकडे वळवणे, संबंधित ठिकाणी बॅरीगेटिंग करणे, वाहनांना सहज लक्षात यावे अशा पद्धतीने सूचना फलक, रिफ्लेक्टर बसवणे अशा बाबी करणे आवश्यक होते. मात्र सर्व नियम संबंधित प्रशासन, ठेकेदाराकडून धाब्यावर बसवल्याचे दिसत आहे. त्यातच रात्री अपरात्री हा ढिगारा दिसून येत नाह...

मुत्सुद्देगिरी न्यूज नेटवर्क इंदापूर (१ सप्टेंबर) :- मागील काही दिवसांपासून इंदापूर शहरात चर्चेचा विषय ठरलेल्या हिप्नाॅटीजम प्रकरणातील आरोपी महिलेला अखेर इंदापूर दिवाणी व फौजदारी न्यायालयाने शुक्रवारी (१ सप्टेंबर) जामीन मंजूर केला. ५० हजारांच्या व्यक्तिगत जातमुचलक्यावर न्यायालयाचे मुख्य न्यायाधीश पी. एल. पाटील यांनी  हा जामीन मंजूर केला असून, आरोपीवर जादूटोणा विरोधी कलम लावण्याची फिर्यादी पक्षाच्या सरकारी वकिलांची मागणीही न्यायालयाने फेटाळून लावली. माया सागर साळुंखे (रा. ५८ फाटा, माळशिरस, जि. सोलापूर) असे या आरोपी महिलेचे नाव असून, २७ ऑगस्ट रोजी मुत्सुद्देगिरीने लावलेल्या बातमीच्या परिणामी ही महिला २८ ऑगस्ट रोजी इंदापूर शहरातील अकलूज ब्रीजनजीक अटक झाली होती. तर २९ ऑगस्ट रोजी न्यायालयाने तिला ३१ ऑगस्टपर्यंत पोलीस कोठडी सुनावली होती. या महिलेवर इंदापूर शहरातील राजेवलीनगर भागातील एका महिलेची देवीच्या नावावर भोंदूगिरी आणि हातचलाखी करत फसवणूक केल्याचा आरोप ठेवण्यात आला आहे. २३ ऑगस्ट रोजी घडलेल्या या प्रकारानंतर तिने हिप्नाॅटीजम करून संबंधित महिलेला लुबाडले असल्याच्या जोरदार अफवाही शहरात...

कायद्याचा धाक राहिला नसल्याचे, उपाययोजनांची तथा पोलिसांची गस्त आवश्यक असल्याचे नागरिकांचे मत मुत्सुद्देगिरी न्यूज नेटवर्क इंदापूर (३० ऑगस्ट) :- जोगवा मागण्याच्या बहाण्याने घरात घुसून राजेवलीनगर भागातील एका महिलेची फसवणूक केल्याची धक्कादायक घटना नुकतीच उघडकीस आली होती. ही घटना अजून ताजी असतानाच आज (३० ऑगस्ट) मध्यरात्री चार चोरट्यांनी याच भागातील वेगवेगळ्या तीन ते चार अपार्टमेंटमधील बंद असलेले फ्लॅट फोडून हैदोस घालण्याचा प्रयत्न केला. यामध्ये एसटी डेपो समोरील अशोक अपार्टमेंटमधील परदेशी यांचा फ्लॅट, कलीम शेख यांचा बंद हॉल आणि सूरज हाईट्स अपार्टमेंटमधील लॉक असलेल्या स्टोअर रूमचा समावेश आहे. जवळपास सर्वच भागात चोरट्यांची मध्यरात्री बिनधास्त रात्र गस्त चालू होती. मात्र कोणालाही कानोकान खबर लागली नाही. विशेष म्हणजे चोरट्यांनी लॉक तोडण्यासाठी गॅस कटरचा वापर केल्याचेही नागरिकांचे म्हणणे आहे. शहरात वाढत्या चोऱ्या पाहता चोरट्यांवर कायद्याचा वचक राहिला नसल्याची, तथा गावातील सुव्यवस्थेला सुरुंग लागल्याची चर्चा आता होऊ लागली आहे. सूरज हाईट्स या अपार्टमेंटच्या पार्किंगमधील स्टोअर रूमचे कुलूप तोडून चो...