अरबाज आसिफ शेख यांची राष्ट्रवादी युवक काँग्रेसच्या महाराष्ट्र प्रदेश सचिव पदी निवड

-

मुत्सुद्देगिरी न्यूज नेटवर्क 

इंदापूर (१ डिसेंबर) :-  इंदापूर शहरातील अरबाज आसिफ शेख यांची नुकतीच राष्ट्रवादी युवक काँग्रेसच्या (शरद पवार गट) महाराष्ट्र प्रदेश सचिव पदी निवड करण्यात आली. रविवारी (२६ नोव्हेंबर) मुंबईतील वाय. बी. चव्हाण सेंटर येथे संसदरत्न, तथा बारामती लोकसभा मतदार संघाच्या खासदार सुप्रिया सुळे आणि राष्ट्रवादी युवक काँग्रेसचे महाराष्ट्र प्रदेशाध्यक्ष मेहबूब शेख यांच्या हस्ते त्यांना निवडीचे पत्र देण्यात आले. याप्रसंगी पक्षाचे अनेक पदाधिकारी आणि कार्यकर्ते उपस्थित होते. अरबाज शेख यांनी यापूर्वी राष्ट्रवादी युवक काँग्रेसचे इंदापूर शहराध्यक्ष पद भूषविले असून, राष्ट्रवादी युवक कॉंग्रेसचे राष्ट्रीय अध्यक्ष धीरज शर्मा यांचे ते निकटवर्तीय मानले जातात. कामाची दखल, तथा पक्ष विचारांशी एकनिष्ठ राहिल्याच्या परिणामी त्यांना पक्षाकडून थेट राज्यस्तरावर काम करण्याची संधी देण्यात आली आहे.

जुलै २०२३ मध्ये अजित पवार यांच्या बंडामुळे राष्ट्रवादी काँग्रेसमध्ये उभी फूट पडली होती. या फुटीनंतर राष्ट्रवादीचे इंदापूर तालुक्याचे आमदार दत्तात्रय भरणे हे अजित पवार गटात सामिल झाले होते. परिणामी तालुक्यात निर्माण झालेली पोकळी भरून काढण्याकामी मुळ (original ) राष्ट्रवादीचे संस्थापक अध्यक्ष असलेल्या शरद पवार यांच्या गटाकडून तालुक्यात पक्ष बांधणीसाठी हालचाली वेगात सुरू आहेत. खुद्द सुप्रिया सुळे यामध्ये जातीने लक्ष घालत असल्याचेही दिसत आहे. त्यातच अरबाज शेख यांना दिलेली ही जबाबदारी म्हणजे तालुक्यातील युवकांना आकर्षित करण्याचा प्रयत्न, तसेच पडत्या काळातही तालुक्यातील युवक शरद पवार यांच्या मागे खंबीरपणे उभा असल्याचा दिलेला हा संदेश आहे अशी चर्चा आता होऊ लागली आहे.

दांडगा जनसंपर्क, तसेच तालुका आणि तालुक्याबाहेरदेखील हजारो युवकांशी अरबाज शेख यांचे मैत्रीपूर्ण संबंध आहेत. पक्षाने दिलेल्या संधीचे सोने करू. तसेच पक्षाचे विचार युवकांपर्यंत पोहोचविणे आणि युवकांच्या माध्यमातून पक्षाला बळकटी देण्यासाठी आपण प्रयत्न करणार असल्याचे अरबाज शेख यांनी या निवडीनंतर म्हटले आहे. सोबतच त्यांनी प्रदेशाध्यक्ष जयंत पाटील, पुणे जिल्हा परिषदेचे माजी सदस्य प्रवीण माने, इंदापूर तालुका कार्याध्यक्ष महारुद्र पाटील, तालुकाध्यक्ष ॲड. तेजसिंह पाटील, पक्षातील नेते, पदाधिकारी, कार्यकर्ते आणि मित्रांचे आपण ऋणी आहोत असेही त्यांनी म्हटले आहे.

पक्षाच्या स्थापनेपासून शेख कुटुंब राष्ट्रवादीसोबत...

राष्ट्रवादी काँग्रेसच्या स्थापनेपासून शेख कुटुंब पवार कुटुंबीयांसोबत खंबीरपणे उभे आहे. अरबाज शेख यांचे वडील आसिफ मुबारक शेख हे राष्ट्रवादीचे इंदापूर तालुक्यातील पहिले कार्यकर्ता आहेत. त्यांनी तब्बल १२ वर्ष राष्ट्रवादी युवक काँग्रेसचे इंदापूर शहराध्यक्ष पद भूषविले आहे. पक्षाशी प्रामाणिकपणाचा हा वारसा अरबाज शेख यांना त्यांच्या वडिलांकडूनच मिळाला आहे. आसिफ शेख अजित पवार यांचे खंदे समर्थक मानले जायचे. मात्र अजित पवार यांच्या बंडामुळे राष्ट्रवादीत फूट पडली आणि अजित पवार गट भाजपसोबत गेले. तदनंतर मात्र शेख कुटुंबीयांनी पक्ष आणि शरद पवार यांच्यासोबत राहणे पसंत केले आहे.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

इंदापूरच्या बाजारपेठेत वयस्कर महिलेला लोखंडी रॉडने मारहाण; तिघा युवकांच्या विरोधात गुन्हा दाखल

-
इमेज
मुत्सुद्देगिरी न्यूज नेटवर्क इंदापूर (११ जानेवारी) :- दु चाकीवरून आलेल्या तिघा युवकांनी एका ६५ वर्षीय महिलेला लोखंडी रॉडने मारहाण करत रक्तबंबाळ केले. मारहाणीची ही घटना शुक्रवारी (५ जानेवारी) इंदापूर शहरातील मुख्य बाजारपेठेत रात्री १० वाजण्याच्या सुमारास घडली होती. या घटनेत जखमी झालेल्या कमल मोतीलाल परदेशी (रा. सिद्धेश्वर मंदिराजवळ, इंदापूर) यांच्या फिर्यादीवरून अमोल गणेश परदेशी, आदित्य संजय परदेशी आणि क्षितीज संजय परदेशी (तिघेही रा. खडकपूरा, इंदापूर) या तिघा युवकांविरोधात मंगळवारी (९ जानेवारी) इंदापूर पोलीस ठाण्यात तक्रार दाखल करण्यात आली आहे. फिर्यादी ह्या इंदापूर शहरात प्रजापिता ब्रह्माकुमारी ईश्वरीय विश्व विद्यालयाचे काम पाहतात. शुक्रवारी रात्री १० वाजण्याच्या सुमारास त्या बाजारपेठेतील विठ्ठल रुक्मिणी मंदिरातून घरी जात असताना हा प्रकार घडला. दुचाकीवर आलेल्या तिघा आरोपींनी त्यांना पाठीमागून धडक दिली. तदनंतर आरोपींनी फिर्यादी यांना इंदापूर आणि बारामती येथील न्यायालयातील तक्रार मागे घेण्याचे बजावत शिवीगाळ आणि दमदाटी केली. एवढ्यावरच न थांबता आरोपींनी फिर्यादी यांना लाथाबुक्क्यांनी आणि ल...
अधिक वाचा

पालक व ज्येष्ठ नागरिकांचा निर्वाह व कल्याण अधिनियम २००७

-
इमेज
पालक व वरिष्ठ नागरिकांचा निर्वाह व कल्याण अधिनियम २००७ हा केंद्र सरकारने केलेला कायदा आहे.हा अधिनियम भारताचे नागरिक तसेच भारताबाहेरील भारतीय नागरिक अशा सर्वांना लागू होतो. भारत देशात १९५२ साली केवळ २ कोटी असलेली वरिष्ठ नागरिकांची संख्या. देशाच्या २०१६ च्या सांख्यिकी अहवालानुसार १०.४ कोटी एवढी झाली होती. आज यात आणखी भर पडली आहे. आई, वडील व वरिष्ठ नागरिक ह्यांच्या हक्कांचे संरक्षण करण्यासाठी, त्यांना, सन्मानाने आयुष्य व्यतीत करता यावे ह्या उद्देशाने आई वडील व वरिष्ठ नागरिकांचा निर्वाह व कल्याण अधिनियम २००७ साली अंमलात आला आहे. व्याख्या: आई वडील ह्या संज्ञेत जन्मदाते, दत्तक, सावत्र अशा कुठल्याही माता पित्याचा अंतर्भाव होतो. तसेच आईवडील वरिष्ठ नागरिक असलेच पाहिजेत असे नाही. वरिष्ठ नागरिक ह्या संज्ञेत वय वर्षे ६० वरील वयाची कोणतीही व्यक्ती मोडते. मुले ह्या व्याख्येत सज्ञान असलेल्या पुत्र, कन्या, नातू व नात ह्यांचा समावेश होतो. निर्वाह ह्या व्याखेत, अन्न, वस्त्र , निवारा, वैद्यकीय शुश्रूषा व उपचार ह्यासाठीची तरतूद असा समावेश होतो. नातेवाईक म्हणजे निपुत्रिक वरिष्ठ नागरिकाचा कायदेशीर वारस किं...
अधिक वाचा

भरणेंच्या आमदारकीच्या हॅट्रिकची संभाव्य संधी हुकवणाऱ्या समीकरणांचे ऑडिट

-
इमेज
संपादकीय २०१९ मध्ये अवघ्या दीड हजार मतांच्या फरकाने दत्तात्रय भरणे यांची आमदारकी वाचली होती. २०२४ मध्ये मात्र ही आमदारकी वाचवणे त्यांच्यासाठी तारेवरची कसरत ठरणार असेच एकंदरीत चित्र आहे. वर्षभरात महाराष्ट्राच्या राजकारणात झालेली उलथापालथ, रस्त्यांच्या कामात होणारे भ्रष्टाचाराचे आरोप, अनेक आरोपानंतरही भ्रष्ट ठेकेदारांवर कृपादृष्टी, प्रशासनावर नसलेला वचक, शरद पवार यांच्याशी दगा, पक्षात पडलेली उभी फूट, भाजपवर जातीवादाचे हजारो आरोप करूनही सत्तेसाठी भाजपसोबतच युती, परिणामी मतदारांमध्ये वाढलेली नाराजी, गमावलेली विश्वासहार्यता, कार्यकर्त्यांमधील संभ्रमावस्था, युवक, बेरोजगार, उद्योग, व्यवसाय, शेतकरी, शिक्षण यासाठी न'च्या घरात कामे, या आणि अशा अनेक कारणांमुळे भरणे आमदारकीची हॅट्रिक करतील याबाबत शंका उपस्थित होणं स्वाभाविक आहे. माणूस म्हणून चांगले असले तरी आमदार म्हणून भरणे कसे आहेत याचं लोकांनी निवडणूकपूर्व ऑडिट करणं, आमदारकीची समीकरणे बिघडवणाऱ्या बाबींचं भरणे यांनी आत्मपरीक्षण करणं, तर माध्यमांनी त्यांच्या चुकांवर बोट ठेवणं गरजेच आहे. खरं तर तालुक्यातील रस्त्यांच्या कामांत मोठ्या प्रमाणावर ...
अधिक वाचा