ठेकेदाराने मनमानी पद्धतीने केलेल्या रस्त्याच्या कामाचा फटका नागरिकांना; कामाची चौकशी होऊन संबंधितांवर गुन्हा दाखल करण्याची नागरिकांची मागणी

-

पावसाचे व गटारीचे पाणी पांधारानाला परिसरातील नागरिकांच्या घरात शिरले.

इंदापूर शहरात सुरू असलेल्या रस्त्यांच्या कामांमध्ये भ्रष्टाचार आणि मापात पाप झाल्याच्या अनेक घटना मागे उघडकीस आल्या होत्या. तर अनेक ठिकाणी निकृष्ट दर्जाच्या कामांमुळे नागरिकांनी रस्त्याची कामे बंद पाडली होती. ठेकेदाराच्या अशाच मनमानी आणि भ्रष्ट पध्दतीने केलेल्या रस्त्याच्या कामाचा फटका पांधारानाला परिसरातील नागरिकांनाही बसू लागलाय. राष्ट्रवादीच्या माध्यमातून पांधारानाला परिसरातील इन्द्रेश्वर मंदिर ते कुंभारवाडा आणि रोहिदास गल्लीतील संतोष शेवाळे घर ते सोनवणे गुरुजी घर या ठिकाणी काँक्रीटचे रस्ते नुकतेच बनवण्यात आले आहेत. मात्र, नागरिकांच्या विरोधानंतरही ठेकेदाराने मनमानी व चुकीच्या पध्दतीने रस्त्याचे काम पूर्ण केल्याने काल (६ सप्टेंबर) सायंकाळी साडेपाच ते सहा वाजण्याच्या दरम्यान अवघ्या १५ मिनिटे झालेल्या पावसाच्या पाण्याचा योग्य पध्दतीने निचरा होऊ न शकल्याने अक्षरशः गटारीचे दुर्गंधीयुक्त पाणी नागरिकांच्या घरात शिरले, तर अंगणातील वाहनेही पाण्यात बुडाली होती.

विशेष म्हणजे १४ ऑक्टोबरला झालेल्या मुसळधार पावसात या भागातील सर्व घरे आणि दुकाने पाण्यात गेल्याने लोकांचे लाखोंचे नुकसान झाले होते. मात्र नागरिकांनी सांगूनही या बाबीकडे ठेकेदाराने जाणीवपूर्वक दुर्लक्ष केले. या कामाची पद्धत पाहता भविष्यात पावसाच्या पाण्याचा निचरा योग्य पध्दतीने होणार नसल्याचा व घरांमध्ये पाणी जाण्याचा अंदाज आल्याने रस्त्याचे काम सुरू असतानाच नागरिकांनी विरोध करत ठेकेदाराला काम थांबावण्याचा आग्रह केला

होता. नागरिकांनी सदर कामाचे वर्क ऑर्डर दाखवण्याची ठेकेदाराकडे वारंवार मागणीही केली होती. मात्र ठेकेदाराने केवळ उडवाउडावीची उत्तरे देऊन कामाबाबत नागरिकांना अंधारात ठेवत मनमानी पध्दतीने काम पूर्ण करण्याची घाई केली. त्यामुळे या कामाबाबत नागरिकांमध्ये भलताच रोष असून, याकामात मोठा भ्रष्टाचार झाल्याची शंका नागरिकांनी व्यक्त केली आहे.

मोठ्या प्रसिद्धीत उद्घाटन झालेल्या या कामाशी संबंधित माहितीचे फलक का लावण्यात आले नाही?, कामाचा प्रस्ताव कधी पाठवण्यात आला?, प्रशासनाने कामाला मंजुरी कधी दिली?, नगरपालिकेची यामध्ये काय भूमिका आहे?, या कामाचे इस्टीमेट कधी झाले?, अनुमानित खर्च किती आहे? टीएस कधी मंजूर करण्यात आले?, सदर कामाच्या निविदा (टेंडर) कधी काढण्यात आल्या? किती निविदा आल्या? नागरिकांच्या समस्यांकडे दुर्लक्ष करून काम उरकण्याची घाई का करण्यात आली? असे असंख्य प्रश्न उपस्थित करून नागरिक सदर कामाची चौकशी करण्याची मागणी करीत आहेत. नागरिकांच्या समस्यांचं समाधान लवकर करण्यात आले नाही तर संबंधित ठेकेदार आणि कामाशी संलग्न लोकांवर फसवणुकीचा गुन्हा दाखल करणार असल्याचे व संबंधितांविरोधात आंदोलन छेडणार असल्याचे नागरिकांनी म्हटले आहे. तसेच नागरिकांनी संबंधित ठेकेदाराच्या सर्व कामांमध्ये पत्रकारांनी लक्ष घातल्यास मोठा भ्रष्टाचार उघडकीस येईल असे म्हटले आहे.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

इंदापूरच्या बाजारपेठेत वयस्कर महिलेला लोखंडी रॉडने मारहाण; तिघा युवकांच्या विरोधात गुन्हा दाखल

-
इमेज
मुत्सुद्देगिरी न्यूज नेटवर्क इंदापूर (११ जानेवारी) :- दु चाकीवरून आलेल्या तिघा युवकांनी एका ६५ वर्षीय महिलेला लोखंडी रॉडने मारहाण करत रक्तबंबाळ केले. मारहाणीची ही घटना शुक्रवारी (५ जानेवारी) इंदापूर शहरातील मुख्य बाजारपेठेत रात्री १० वाजण्याच्या सुमारास घडली होती. या घटनेत जखमी झालेल्या कमल मोतीलाल परदेशी (रा. सिद्धेश्वर मंदिराजवळ, इंदापूर) यांच्या फिर्यादीवरून अमोल गणेश परदेशी, आदित्य संजय परदेशी आणि क्षितीज संजय परदेशी (तिघेही रा. खडकपूरा, इंदापूर) या तिघा युवकांविरोधात मंगळवारी (९ जानेवारी) इंदापूर पोलीस ठाण्यात तक्रार दाखल करण्यात आली आहे. फिर्यादी ह्या इंदापूर शहरात प्रजापिता ब्रह्माकुमारी ईश्वरीय विश्व विद्यालयाचे काम पाहतात. शुक्रवारी रात्री १० वाजण्याच्या सुमारास त्या बाजारपेठेतील विठ्ठल रुक्मिणी मंदिरातून घरी जात असताना हा प्रकार घडला. दुचाकीवर आलेल्या तिघा आरोपींनी त्यांना पाठीमागून धडक दिली. तदनंतर आरोपींनी फिर्यादी यांना इंदापूर आणि बारामती येथील न्यायालयातील तक्रार मागे घेण्याचे बजावत शिवीगाळ आणि दमदाटी केली. एवढ्यावरच न थांबता आरोपींनी फिर्यादी यांना लाथाबुक्क्यांनी आणि ल...
अधिक वाचा

पालक व ज्येष्ठ नागरिकांचा निर्वाह व कल्याण अधिनियम २००७

-
इमेज
पालक व वरिष्ठ नागरिकांचा निर्वाह व कल्याण अधिनियम २००७ हा केंद्र सरकारने केलेला कायदा आहे.हा अधिनियम भारताचे नागरिक तसेच भारताबाहेरील भारतीय नागरिक अशा सर्वांना लागू होतो. भारत देशात १९५२ साली केवळ २ कोटी असलेली वरिष्ठ नागरिकांची संख्या. देशाच्या २०१६ च्या सांख्यिकी अहवालानुसार १०.४ कोटी एवढी झाली होती. आज यात आणखी भर पडली आहे. आई, वडील व वरिष्ठ नागरिक ह्यांच्या हक्कांचे संरक्षण करण्यासाठी, त्यांना, सन्मानाने आयुष्य व्यतीत करता यावे ह्या उद्देशाने आई वडील व वरिष्ठ नागरिकांचा निर्वाह व कल्याण अधिनियम २००७ साली अंमलात आला आहे. व्याख्या: आई वडील ह्या संज्ञेत जन्मदाते, दत्तक, सावत्र अशा कुठल्याही माता पित्याचा अंतर्भाव होतो. तसेच आईवडील वरिष्ठ नागरिक असलेच पाहिजेत असे नाही. वरिष्ठ नागरिक ह्या संज्ञेत वय वर्षे ६० वरील वयाची कोणतीही व्यक्ती मोडते. मुले ह्या व्याख्येत सज्ञान असलेल्या पुत्र, कन्या, नातू व नात ह्यांचा समावेश होतो. निर्वाह ह्या व्याखेत, अन्न, वस्त्र , निवारा, वैद्यकीय शुश्रूषा व उपचार ह्यासाठीची तरतूद असा समावेश होतो. नातेवाईक म्हणजे निपुत्रिक वरिष्ठ नागरिकाचा कायदेशीर वारस किं...
अधिक वाचा

भरणेंच्या आमदारकीच्या हॅट्रिकची संभाव्य संधी हुकवणाऱ्या समीकरणांचे ऑडिट

-
इमेज
संपादकीय २०१९ मध्ये अवघ्या दीड हजार मतांच्या फरकाने दत्तात्रय भरणे यांची आमदारकी वाचली होती. २०२४ मध्ये मात्र ही आमदारकी वाचवणे त्यांच्यासाठी तारेवरची कसरत ठरणार असेच एकंदरीत चित्र आहे. वर्षभरात महाराष्ट्राच्या राजकारणात झालेली उलथापालथ, रस्त्यांच्या कामात होणारे भ्रष्टाचाराचे आरोप, अनेक आरोपानंतरही भ्रष्ट ठेकेदारांवर कृपादृष्टी, प्रशासनावर नसलेला वचक, शरद पवार यांच्याशी दगा, पक्षात पडलेली उभी फूट, भाजपवर जातीवादाचे हजारो आरोप करूनही सत्तेसाठी भाजपसोबतच युती, परिणामी मतदारांमध्ये वाढलेली नाराजी, गमावलेली विश्वासहार्यता, कार्यकर्त्यांमधील संभ्रमावस्था, युवक, बेरोजगार, उद्योग, व्यवसाय, शेतकरी, शिक्षण यासाठी न'च्या घरात कामे, या आणि अशा अनेक कारणांमुळे भरणे आमदारकीची हॅट्रिक करतील याबाबत शंका उपस्थित होणं स्वाभाविक आहे. माणूस म्हणून चांगले असले तरी आमदार म्हणून भरणे कसे आहेत याचं लोकांनी निवडणूकपूर्व ऑडिट करणं, आमदारकीची समीकरणे बिघडवणाऱ्या बाबींचं भरणे यांनी आत्मपरीक्षण करणं, तर माध्यमांनी त्यांच्या चुकांवर बोट ठेवणं गरजेच आहे. खरं तर तालुक्यातील रस्त्यांच्या कामांत मोठ्या प्रमाणावर ...
अधिक वाचा