७ तासात चोरीचा माल ताब्यात; इंदापूर पोलीसांनो तुमची चर्चा साऱ्या गावात

-

हस्तगत केलेल्या चोरीच्या कंटेनरसह इंदापूर पोलीस

इंदापूर (१८ सप्टेंबर) :- इंदापूर पोलीस तत्पर असल्याचे पुन्हा एकदा सिद्ध झाले असून, अपघात झाल्याचा बनाव करत बिल्ट कंपनी (भिगवण, ता. इंदापूर, जि. पुणे) जवळून चौघा जणांनी पळवलेला टाटा कंपनीचा कंटेनर (MH-04-EY-9054) आणि त्यातील ११ लाखांचे लोणचे मसाल्याचे २०० बॉक्स असा एकूण १५ लाख रुपयांचा चोरी गेलेला संपूर्ण मुद्देमाल हस्तगत करून इंदापूर पोलीसांनी अवघ्या ७ तासांत गुन्ह्याचा छडा लावला आहे. ट्रक चालक चंद्रकांत तुळशीराम कांबळे (रा. मिरजापूर, ता. बसवकल्याण, जि. बिदर) यांनी कंटेनर पळवलेल्या चौघांविरोधात शनिवारच्या (१८ सप्टेंबर) मध्यरात्री इंदापूर पोलीस ठाण्यात फिर्याद दिली होती. या अनुषंगाने इंदापूर पोलीसांनी तत्पर हालचाली केल्या होत्या.

महाशक्ती लॉजिस्टिक ट्रान्सपोर्ट कंपनीच्या कंटेनरमधून ११ लाख रु. किंमतीचे लोणचे मसाल्याचे २०० बॉक्स घेऊन १४ सप्टेंबर रोजी विजयवाडा येथून मुंबई येथील न्हावाशेवा बंदराकडे निघालेल्या या कंटेनरचा चालक चंद्रकांत कांबळे यांनी उजनी ब्रिज पास केल्यावर आपल्या प्रशांत नामी भाच्याच्या श्रीनिवास चांदे नामी मित्राला कंटेनर चालवण्यास देऊन स्वतः मागे जाऊन झोपले. दरम्यान, भिगवण येथील बिल्ट कंपनीपाशी आल्यानंतर कंटेनर थांबवून चंद्रकांत कांबळे यांना सरडेवाडी टोलनाक्याजवळ अपघात झाल्याचे कारण देत कंटेनरचा मागील दरवाजा चेक करण्यास सांगून श्रीनिवास चांदे, भाचा प्रशांत, अन्य एक मित्र आणि सरडेवाडी टोलनाक्याजवळ चढलेला आणखी एक जण अशा चौघांनी कंटेनर घेऊन पळाल्याचे कांबळे यांनी फिर्यादीत म्हटले होते.

या अनुषंगाने इंदापूर पोलीसांनी तत्पर हालचाली करत सहाय्यक पोलीस निरीक्षक ज्ञानेश्वर धनवे, सहाय्यक पोलीस निरीक्षक महेश माने आणि पोलीस उपनिरीक्षक लिगाडे अशा ३ पथकांच्या माध्यमातून सरडेवाडी टोलनाका ते पाटस टोलनाका दरम्यान संशयित वाहने, सर्व ढाबे, हॉटेल्स आणि पेट्रोलपंपावरील CCTV तपासून अखेर रावणगाव (ता. दौंड) येथे हा कंटेनर संपूर्ण मुद्देमालासह अवघ्या ७ तासांत हस्तगत केला. या घटनेतील सर्व आरोपी अद्याप फरार असून, मुंबईतील ट्रान्सपोर्ट कंपनी अथवा अन्य कोणी या गुन्ह्यात सामील आहे का याचा सखोल तपास इंदापूर पोलीस करत आहेत.

सदरची कामगिरी पोलीस निरीक्षक तय्यब मुजावर यांच्या मार्गदर्शनाखाली, सहाय्यक पोलीस निरीक्षक ज्ञानेश्वर धनवे, सहाय्यक पोलीस निरीक्षक महेश माने, पोलीस उपनिरीक्षक दत्तात्रय लिगाडे, सफी सतिश ढवळे, पोलीस नाईक मोहिते, पोलीस नाईक  मोहम्मदअली मड्डी, पोलीस नाईक खान, पोलीस नाईक गाढवे, पोलीस कॉन्स्टेबल मुटेकर, पोलीस कॉन्स्टेबल यादव, पोलीस कॉन्स्टेबल गोसावी यांनी पार पाडली. अधिक तपास पोलीस उपनिरीक्षक दत्तात्रय लिगाडे करत आहेत.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

इंदापूरच्या बाजारपेठेत वयस्कर महिलेला लोखंडी रॉडने मारहाण; तिघा युवकांच्या विरोधात गुन्हा दाखल

-
इमेज
मुत्सुद्देगिरी न्यूज नेटवर्क इंदापूर (११ जानेवारी) :- दु चाकीवरून आलेल्या तिघा युवकांनी एका ६५ वर्षीय महिलेला लोखंडी रॉडने मारहाण करत रक्तबंबाळ केले. मारहाणीची ही घटना शुक्रवारी (५ जानेवारी) इंदापूर शहरातील मुख्य बाजारपेठेत रात्री १० वाजण्याच्या सुमारास घडली होती. या घटनेत जखमी झालेल्या कमल मोतीलाल परदेशी (रा. सिद्धेश्वर मंदिराजवळ, इंदापूर) यांच्या फिर्यादीवरून अमोल गणेश परदेशी, आदित्य संजय परदेशी आणि क्षितीज संजय परदेशी (तिघेही रा. खडकपूरा, इंदापूर) या तिघा युवकांविरोधात मंगळवारी (९ जानेवारी) इंदापूर पोलीस ठाण्यात तक्रार दाखल करण्यात आली आहे. फिर्यादी ह्या इंदापूर शहरात प्रजापिता ब्रह्माकुमारी ईश्वरीय विश्व विद्यालयाचे काम पाहतात. शुक्रवारी रात्री १० वाजण्याच्या सुमारास त्या बाजारपेठेतील विठ्ठल रुक्मिणी मंदिरातून घरी जात असताना हा प्रकार घडला. दुचाकीवर आलेल्या तिघा आरोपींनी त्यांना पाठीमागून धडक दिली. तदनंतर आरोपींनी फिर्यादी यांना इंदापूर आणि बारामती येथील न्यायालयातील तक्रार मागे घेण्याचे बजावत शिवीगाळ आणि दमदाटी केली. एवढ्यावरच न थांबता आरोपींनी फिर्यादी यांना लाथाबुक्क्यांनी आणि ल...
अधिक वाचा

पालक व ज्येष्ठ नागरिकांचा निर्वाह व कल्याण अधिनियम २००७

-
इमेज
पालक व वरिष्ठ नागरिकांचा निर्वाह व कल्याण अधिनियम २००७ हा केंद्र सरकारने केलेला कायदा आहे.हा अधिनियम भारताचे नागरिक तसेच भारताबाहेरील भारतीय नागरिक अशा सर्वांना लागू होतो. भारत देशात १९५२ साली केवळ २ कोटी असलेली वरिष्ठ नागरिकांची संख्या. देशाच्या २०१६ च्या सांख्यिकी अहवालानुसार १०.४ कोटी एवढी झाली होती. आज यात आणखी भर पडली आहे. आई, वडील व वरिष्ठ नागरिक ह्यांच्या हक्कांचे संरक्षण करण्यासाठी, त्यांना, सन्मानाने आयुष्य व्यतीत करता यावे ह्या उद्देशाने आई वडील व वरिष्ठ नागरिकांचा निर्वाह व कल्याण अधिनियम २००७ साली अंमलात आला आहे. व्याख्या: आई वडील ह्या संज्ञेत जन्मदाते, दत्तक, सावत्र अशा कुठल्याही माता पित्याचा अंतर्भाव होतो. तसेच आईवडील वरिष्ठ नागरिक असलेच पाहिजेत असे नाही. वरिष्ठ नागरिक ह्या संज्ञेत वय वर्षे ६० वरील वयाची कोणतीही व्यक्ती मोडते. मुले ह्या व्याख्येत सज्ञान असलेल्या पुत्र, कन्या, नातू व नात ह्यांचा समावेश होतो. निर्वाह ह्या व्याखेत, अन्न, वस्त्र , निवारा, वैद्यकीय शुश्रूषा व उपचार ह्यासाठीची तरतूद असा समावेश होतो. नातेवाईक म्हणजे निपुत्रिक वरिष्ठ नागरिकाचा कायदेशीर वारस किं...
अधिक वाचा

भरणेंच्या आमदारकीच्या हॅट्रिकची संभाव्य संधी हुकवणाऱ्या समीकरणांचे ऑडिट

-
इमेज
संपादकीय २०१९ मध्ये अवघ्या दीड हजार मतांच्या फरकाने दत्तात्रय भरणे यांची आमदारकी वाचली होती. २०२४ मध्ये मात्र ही आमदारकी वाचवणे त्यांच्यासाठी तारेवरची कसरत ठरणार असेच एकंदरीत चित्र आहे. वर्षभरात महाराष्ट्राच्या राजकारणात झालेली उलथापालथ, रस्त्यांच्या कामात होणारे भ्रष्टाचाराचे आरोप, अनेक आरोपानंतरही भ्रष्ट ठेकेदारांवर कृपादृष्टी, प्रशासनावर नसलेला वचक, शरद पवार यांच्याशी दगा, पक्षात पडलेली उभी फूट, भाजपवर जातीवादाचे हजारो आरोप करूनही सत्तेसाठी भाजपसोबतच युती, परिणामी मतदारांमध्ये वाढलेली नाराजी, गमावलेली विश्वासहार्यता, कार्यकर्त्यांमधील संभ्रमावस्था, युवक, बेरोजगार, उद्योग, व्यवसाय, शेतकरी, शिक्षण यासाठी न'च्या घरात कामे, या आणि अशा अनेक कारणांमुळे भरणे आमदारकीची हॅट्रिक करतील याबाबत शंका उपस्थित होणं स्वाभाविक आहे. माणूस म्हणून चांगले असले तरी आमदार म्हणून भरणे कसे आहेत याचं लोकांनी निवडणूकपूर्व ऑडिट करणं, आमदारकीची समीकरणे बिघडवणाऱ्या बाबींचं भरणे यांनी आत्मपरीक्षण करणं, तर माध्यमांनी त्यांच्या चुकांवर बोट ठेवणं गरजेच आहे. खरं तर तालुक्यातील रस्त्यांच्या कामांत मोठ्या प्रमाणावर ...
अधिक वाचा