टेंभुर्णी - बेमाप पैशांनी वाळू तस्करांची वाढली हिम्मत; वाळूने भरलेला ट्रॅक्टर पोलीसांच्याच अंगावर घालून जीवे मारण्याचा प्रयत्न

-
वाळू तस्कराने पोलीसांच्या अंगावर घातलेला ट्रॅक्टर

एक पोलीस कर्मचारी जखमी, एकाला अटक तर दोघे फरार

भीमा नदीतून अवैध वाळू उपसा करणाऱ्या वाळू तस्करांवर कारवाई करण्यासाठी गेलेल्या टेंभुर्णी पोलीस ठाण्याच्या दोन पोलीस कर्मचाऱ्यांना वाळू तस्करांनी ट्रॅक्टर अंगावर घालून जीवे मारण्याचा प्रयत्न केल्याचा धक्कादायक प्रकार टाकळी टें (ता. माढा, जि. सोलापूर) येथे बुधवारच्या मध्यरात्री घडला. तुकाराम माने-देशमुख असे जखमी झालेल्या पोलीस कर्मचाऱ्याचे नांव असून, ट्रॅक्टर चालक महादेव लक्ष्मण शेळके, सुधीर सोरटे व ट्रॅक्टर मालक समाधान जरक यांच्याविरोधात ३०७, ३५३, ३७९ अशा विविध कलमान्वये टेंभुर्णी पोलीस ठाण्यात गुन्हा दाखल करण्यात आला आहे.

बुधवारी मध्यरात्री भीमा नदीच्या पात्रातून वाळू तस्करी सुरू असल्याची माहिती टेंभुर्णी पोलीसांना मिळाली होती. या अनुषंगाने कारवाई करण्यासाठी पोलीस शिपाई तुकाराम माने-देशमुख व बाळराजे घाडगे हे टाकळी (टें) येथील महादेव मंदिराच्या नजीक जाऊन थांबले होते. 

अवघ्या २ वर्षांच्या या निरागस मुलीची काय चूक? का आणि कोणी फेकलं असेल तिला बेवारस मरण्यासाठी?

अवैध वाळूने भरलेला ट्रॅक्टर घटनास्थळी आल्यानंतर त्यांनी चौकशीअंती ट्रॅक्टर पोलीस ठाण्यात घेऊन जाण्यास सांगितले. मग काय ! जाऊद्याना साहेबाचे रूपांतर साहेबांनाच धक्काबुक्की व टॉमीने मारहाण करण्यात व ट्रॅक्टर तुकाराम माने-देशमुख यांच्या अंगावर घालून त्यांना जीवे मारण्याच्या प्रयत्नात झाला.  

ट्रॅक्टरच्या धडकेत नुकसान झालेले पोलीसांचे वाहन

यामध्ये माने-देशमुख हे जखमी झाले आहेत. तर ट्रॅक्टरचे चाक त्यांच्या दुचाकीवरून गेल्याने दुचाकीचेही नुकसान झाले आहे. दरम्यान, वाळूने भरलेला ट्रॅक्टर जप्त करण्यात आला असून, सुधीर सोरटे याला पोलीसांनी अटक केली आहे. तर चालक व मालक दोघेही फरार आहेत. वाळू तस्करीच्या माध्यमातून मिळणाऱ्या अमाप पैशांचा चस्का लागलेले वाळू तस्कर आता पोलीसांना न जुमानता पोलीसांच्याच जीवावर उठू लागले आहेत. पोलीसांनी ठरवलं तर अवैध वाळू व्यवसाय चालणं शक्य नाही. त्यामुळे पोलीस या घटनेतून बोध घेतील अशी आशा बाळगायला हरकत नाही.

हे देखील वाचा - तर गुन्हेगारांवर मोक्का अंतर्गत कारवाई करणार - पोलीस निरीक्षक सुरेश निंबाळकर

टेंभुर्णी पोलीस ठाण्यांतर्गत अवैध व्यवसाय, अवैध वाळू उपसा बंद न केल्यास सदर गुन्हेगारांवर कठोर कारवाई करण्याचा व संघटित गुन्हेगारी कायद्यान्वये (मोक्का) कारवाई करण्याचा इशारा टेंभुर्णी पोलीस  ठाण्याचे नवनियुक्त पोलीस निरीक्षक सुरेश निंबाळकर यांनी दिला आहे.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

इंदापूरच्या बाजारपेठेत वयस्कर महिलेला लोखंडी रॉडने मारहाण; तिघा युवकांच्या विरोधात गुन्हा दाखल

-
इमेज
मुत्सुद्देगिरी न्यूज नेटवर्क इंदापूर (११ जानेवारी) :- दु चाकीवरून आलेल्या तिघा युवकांनी एका ६५ वर्षीय महिलेला लोखंडी रॉडने मारहाण करत रक्तबंबाळ केले. मारहाणीची ही घटना शुक्रवारी (५ जानेवारी) इंदापूर शहरातील मुख्य बाजारपेठेत रात्री १० वाजण्याच्या सुमारास घडली होती. या घटनेत जखमी झालेल्या कमल मोतीलाल परदेशी (रा. सिद्धेश्वर मंदिराजवळ, इंदापूर) यांच्या फिर्यादीवरून अमोल गणेश परदेशी, आदित्य संजय परदेशी आणि क्षितीज संजय परदेशी (तिघेही रा. खडकपूरा, इंदापूर) या तिघा युवकांविरोधात मंगळवारी (९ जानेवारी) इंदापूर पोलीस ठाण्यात तक्रार दाखल करण्यात आली आहे. फिर्यादी ह्या इंदापूर शहरात प्रजापिता ब्रह्माकुमारी ईश्वरीय विश्व विद्यालयाचे काम पाहतात. शुक्रवारी रात्री १० वाजण्याच्या सुमारास त्या बाजारपेठेतील विठ्ठल रुक्मिणी मंदिरातून घरी जात असताना हा प्रकार घडला. दुचाकीवर आलेल्या तिघा आरोपींनी त्यांना पाठीमागून धडक दिली. तदनंतर आरोपींनी फिर्यादी यांना इंदापूर आणि बारामती येथील न्यायालयातील तक्रार मागे घेण्याचे बजावत शिवीगाळ आणि दमदाटी केली. एवढ्यावरच न थांबता आरोपींनी फिर्यादी यांना लाथाबुक्क्यांनी आणि ल...
अधिक वाचा

पालक व ज्येष्ठ नागरिकांचा निर्वाह व कल्याण अधिनियम २००७

-
इमेज
पालक व वरिष्ठ नागरिकांचा निर्वाह व कल्याण अधिनियम २००७ हा केंद्र सरकारने केलेला कायदा आहे.हा अधिनियम भारताचे नागरिक तसेच भारताबाहेरील भारतीय नागरिक अशा सर्वांना लागू होतो. भारत देशात १९५२ साली केवळ २ कोटी असलेली वरिष्ठ नागरिकांची संख्या. देशाच्या २०१६ च्या सांख्यिकी अहवालानुसार १०.४ कोटी एवढी झाली होती. आज यात आणखी भर पडली आहे. आई, वडील व वरिष्ठ नागरिक ह्यांच्या हक्कांचे संरक्षण करण्यासाठी, त्यांना, सन्मानाने आयुष्य व्यतीत करता यावे ह्या उद्देशाने आई वडील व वरिष्ठ नागरिकांचा निर्वाह व कल्याण अधिनियम २००७ साली अंमलात आला आहे. व्याख्या: आई वडील ह्या संज्ञेत जन्मदाते, दत्तक, सावत्र अशा कुठल्याही माता पित्याचा अंतर्भाव होतो. तसेच आईवडील वरिष्ठ नागरिक असलेच पाहिजेत असे नाही. वरिष्ठ नागरिक ह्या संज्ञेत वय वर्षे ६० वरील वयाची कोणतीही व्यक्ती मोडते. मुले ह्या व्याख्येत सज्ञान असलेल्या पुत्र, कन्या, नातू व नात ह्यांचा समावेश होतो. निर्वाह ह्या व्याखेत, अन्न, वस्त्र , निवारा, वैद्यकीय शुश्रूषा व उपचार ह्यासाठीची तरतूद असा समावेश होतो. नातेवाईक म्हणजे निपुत्रिक वरिष्ठ नागरिकाचा कायदेशीर वारस किं...
अधिक वाचा

भरणेंच्या आमदारकीच्या हॅट्रिकची संभाव्य संधी हुकवणाऱ्या समीकरणांचे ऑडिट

-
इमेज
संपादकीय २०१९ मध्ये अवघ्या दीड हजार मतांच्या फरकाने दत्तात्रय भरणे यांची आमदारकी वाचली होती. २०२४ मध्ये मात्र ही आमदारकी वाचवणे त्यांच्यासाठी तारेवरची कसरत ठरणार असेच एकंदरीत चित्र आहे. वर्षभरात महाराष्ट्राच्या राजकारणात झालेली उलथापालथ, रस्त्यांच्या कामात होणारे भ्रष्टाचाराचे आरोप, अनेक आरोपानंतरही भ्रष्ट ठेकेदारांवर कृपादृष्टी, प्रशासनावर नसलेला वचक, शरद पवार यांच्याशी दगा, पक्षात पडलेली उभी फूट, भाजपवर जातीवादाचे हजारो आरोप करूनही सत्तेसाठी भाजपसोबतच युती, परिणामी मतदारांमध्ये वाढलेली नाराजी, गमावलेली विश्वासहार्यता, कार्यकर्त्यांमधील संभ्रमावस्था, युवक, बेरोजगार, उद्योग, व्यवसाय, शेतकरी, शिक्षण यासाठी न'च्या घरात कामे, या आणि अशा अनेक कारणांमुळे भरणे आमदारकीची हॅट्रिक करतील याबाबत शंका उपस्थित होणं स्वाभाविक आहे. माणूस म्हणून चांगले असले तरी आमदार म्हणून भरणे कसे आहेत याचं लोकांनी निवडणूकपूर्व ऑडिट करणं, आमदारकीची समीकरणे बिघडवणाऱ्या बाबींचं भरणे यांनी आत्मपरीक्षण करणं, तर माध्यमांनी त्यांच्या चुकांवर बोट ठेवणं गरजेच आहे. खरं तर तालुक्यातील रस्त्यांच्या कामांत मोठ्या प्रमाणावर ...
अधिक वाचा